ଓ୍ବାଶିଂଟନ:ୟୁକ୍ରେନରେ ଜାରି ରହିଥିବା ଋଷର ଆକ୍ରମଣ ବିରୋଧରେ ବିଶ୍ବବ୍ୟାପୀ ବିରୋଧ ଦେଖିବାକୁ ମିଳିଲାଣି । ଆଜି ଯୁକ୍ତରାଷ୍ଟ୍ର ଆମେରିକାର ରାଜଧାନୀ ଓ୍ବାଶିଂଟନ ଡିସିରେ ହ୍ବାଇଟ ହାଉସ ସମ୍ମୁଖରେ ଏକ ବିଶାଳ ବିକ୍ଷୋଭ ପ୍ରଦର୍ଶନ କରିଛନ୍ତି ସେଠାରେ ଥିବା ପ୍ରବାସୀ ୟୁକ୍ରେନୀୟ ନାଗରିକ । ଯୁଦ୍ଧକୁ ସେମାନେ ବିରୋଧ କରିବା ସହ, ଯୁଦ୍ଧ ନୁହେଁ ଶାନ୍ତି ଚାହାଁନ୍ତି ବୋଲି ନାରା ଦେଇ ଆମେରିକାର ହସ୍ତକ୍ଷେପ ଦାବି କରିଥିବା ଦେଖିବାକୁ ମିଳିଛି ।
ସେହିପରି ଏହି ବିକ୍ଷୋଭରେ ବହୁମାତ୍ରାରେ ପ୍ରବାସୀ ଋଷୀୟ ନାଗରିକମାନେ ମଧ୍ୟ ଅଂଶଗ୍ରହଣ କରିଥିବା ଦେଖିବାକୁ ମିଳିଛି । ‘ଆମେ ଋଷୀୟ କିନ୍ତୁ, ଯୁଦ୍ଧକୁ ବିରୋଧ କରିବା ସହ ୟୁକ୍ରେନକୁ ସମର୍ଥନ କରୁଛୁ ’ ବୋଲି ଲେଖାଥିବା ପ୍ଲାକାର୍ଡ ଧରି ସେମାନେ ହ୍ବାଇଟ ହାଉସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ଆମେରିକା ଏହି ପ୍ରସଙ୍ଗରେ ହସ୍ତକ୍ଷେପ କରି ଶାନ୍ତି ପ୍ରତିଷ୍ଠା ପାଇଁ ଦାବି କରିଛନ୍ତି ୟୁକ୍ରେନୀୟ ନାଗରିକ ।