କିଭ:ଋଷ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ (Russia Ukraine War) ଆଜି ତୃତୀୟ ଦିନରେ ପହଞ୍ଚିଛି । ଋଷ ସେନା ଗୋଟିଏ ପରେ ଗୋଟିଏ ଅଞ୍ଚଳକୁ ନିଜ ଦଖଲକୁ ନେବାରେ ଲାଗିଛି। ଆଜି ୟୁକ୍ରେନର ଦକ୍ଷିଣରେ ଥିବା ମେଲିଟୋପୋଲ ସହରକୁ ଦଖଲ କରିଥିବା ଋଷର ପ୍ରତିରକ୍ଷା ମନ୍ତ୍ରଣାଳୟ ଦାବି କରିଛି ।
ଏହାରି ମଧ୍ୟରେ ଏବେ ଗୋଟିଏ ଫଟୋକୁ ନେଇ ସାରା ବିଶ୍ବରେ ଚର୍ଚ୍ଚା । ଭାଇରାଲ ହେଇଥିବା ଫଟୋଟି ହେଉଛି ୟୁକ୍ରେନ ସଂସଦର ମହିଳା ସାଂସଦ କିରା ରୁଡିକିଙ୍କ (Kira Rudik) କିରା ନିଜ ଟ୍ବିଟରେ ଏବେ ଏକାଧିକ ଫଟୋ ପୋଷ୍ଟ କରି ପୁରା ଚହଳ ପକାଇ ଦେଇଛନ୍ତି । କାରଣ ଯେଉଁ ଫଟୋ ସବୁ ପୋଷ୍ଟ କରିଛନ୍ତି, ସେଥିରେ ସେ ବିଭିନ୍ନ ଅସ୍ତ୍ର ଧରି ଋଷ ବିରୋଧରେ ଲଢିବାକୁ ଯୁଦ୍ଧ ମୈଦାନକୁ ଯିବେ ବୋଲି ଲେଖିଛନ୍ତି । ଏହାସହ ସେନାର ମନୋବଳ ବଢାଇବା ପାଇଁ ନିରନ୍ତର ଉଦ୍ୟମ ଜାରି ରଖିଛନ୍ତି ।
କିରା ରୁଡିକି ଲେଖିଛନ୍ତି ୟୁକ୍ରେନର ପ୍ରତ୍ୟେକ ପୁରୁଷ ଓ ମହିଳା ଅସ୍ତ୍ର ଉଠାଇ ଋଷ ବିରୋଧରେ ଲଢିବାକୁ ପ୍ରସ୍ତୁତ ଅଛନ୍ତି । ଏଥିପାଇଁ ସମସ୍ତେ ମାନସିକ ଭାବେ ପ୍ରସ୍ତୁତ ଅଛନ୍ତି । ଖାଲି ଏତିକି ନୁହେଁ, କିରା ବର୍ତ୍ତମାନ ସରକାରଙ୍କ ପକ୍ଷରୁ ବିଭିନ୍ନ ଟିଭିରେ ପକ୍ଷ ରଖୁଛନ୍ତି । ଏହାସହ ୟୁକ୍ରେନ କିଭଳି ଏକଟିଆ ଲଢେଇ କରୁଛି, କେହି ସାହାଯ୍ୟ କରୁନାହାଁନ୍ତି ତାହା ମଧ୍ୟ ବର୍ଣ୍ଣନା କରୁଛନ୍ତି । ଏହାସହ ସେ ବିଶ୍ବବାସୀଙ୍କ ସମର୍ଥନ ଲୋଡିଛନ୍ତି ।