ନୂଆଦିଲ୍ଲୀ: ଭାରତର ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କୁ ବ୍ରିଟେନ ହାଇକୋର୍ଟରୁ ବଡ ଝଟକା । ବିଜୟ ମାଲ୍ୟାଙ୍କୁ ଦେବାଳିଆ ଘୋଷଣା କରିଛନ୍ତି ୟୁକେ ହାଇକୋର୍ଟ । ଏବେ ଭାରତୀୟ ବ୍ୟାଙ୍କଗୁଡିକ ମାଲ୍ୟାଙ୍କ ସମ୍ପତ୍ତି ସହଜରେ ଜବତ କରିପାରିବେ ଏବଂ ଋଣ ଟଙ୍କା ହାସଲ କରିପାରିବେ ।
ବିଜୟ ମାଲ୍ୟାଙ୍କୁ ଦେବାଳିଆ ଘୋଷଣା କଲେ UK ହାଇକୋର୍ଟ, ଜବତ ହେବ ସମ୍ପତ୍ତି ! - ବିଜୟ ମାଲ୍ୟା
ବିଜୟ ମାଲ୍ୟାଙ୍କୁ ଦେବାଳିଆ ଘୋଷଣା କରିଛନ୍ତି ୟୁକେ ହାଇକୋର୍ଟ । ଏବେ ହୋଇପାରିବ ମାଲ୍ୟାଙ୍କ ସମ୍ପତ୍ତି ଜବତ । ଅଧିକ ପଢନ୍ତୁ...
ବିଜୟ ମାଲ୍ୟାଙ୍କୁ ବଡ ଝଟକା, ଦେବାଳିଆ ଘୋଷଣା କଲେ UK ହାଇକୋର୍ଟ
କୋର୍ଟରେ ମାଲ୍ୟାଙ୍କ ବିରୋଧରେ ପକ୍ଷ ରଖୁଥିବା ଲ' ଫର୍ମ ଟିଏଲଟି ଏଲଏଲପି ବାରିଷ୍ଟର ମର୍ସିଆ ଶେକରଡେମିୟନ ଭାରତୀୟ ବ୍ୟାଙ୍କର ସପକ୍ଷରେ ପଳାତକ ବ୍ୟବସାୟୀଙ୍କୁ ଦେବାଳିଆ ଘୋଷଣା ଆଦେଶ ଦେବାକୁ ଅନୁରୋଧ କରିଥିଲେ । ଏପଟେ ଯେପର୍ଯ୍ୟନ୍ତ ଗୋପନୀୟ ଆଇନ ମାମଲାରେ ସମାଧାନ ନହେଉଛି, ସେଯାଏଁ ମାଲ୍ୟା ବ୍ରିଟେନରେ ଜାମିନ ନେଇ ରହିପାରିବେ ।
ଏହାପୂର୍ବରୁ ଭାରତୀୟ ଷ୍ଟେଟ ବ୍ୟାଙ୍କ ନେତୃତ୍ବରେ ଏକ କନ୍ସର୍ଟିୟମ ଏପ୍ରିଲ ମାସରେ ଲଣ୍ଡନ ହାଇକୋର୍ଟରେ ଶୁଣାଣି ସମୟରେ ପଳାତକ ବ୍ୟବସାୟୀଙ୍କୁ ଦେବାଳିଆ ଘୋଷଣା କରିବାକୁ ଭରପୁର ପ୍ରୟାସ କରିଥିଲେ । ବିଜୟ ମାଲ୍ୟାଙ୍କ ଉପରେ ବନ୍ଦ ହୋଇଯାଇଥିବା କିଙ୍ଗଫିସର ଏୟାରଲାଇନ୍ସ ପାଇଁ ନିଆଯାଇଥିବା ଋଣ ବାବଦକୁ ହଜାର ହଜାର କୋଟି ଟଙ୍କା ବକେୟା ପଡିଛି ।