ଲକ୍ଷ୍ନୌ: ଆସନ୍ତା 22 ତାରିଖରେ ରାମଲାଲାଙ୍କ ପ୍ରାଣ ପ୍ରିତିଷ୍ଠା । ଦୀର୍ଘ ପାଞ୍ଚଶହ ବର୍ଷ ଧରି କରାଯାଉଥିବା ସଂଘର୍ଷ ଏବଂ ଜଡ଼ିତ ଇତିହାସ ପରେ ଏହି ସୁବର୍ଣ୍ଣ ବେଳା ଆସି ପହଞ୍ଚିଛି । ଅନେକ ବର୍ଷ ପରେ ପୁଣି ରାମଲାଲାଙ୍କ ଦରବାର ସଜା ଯିବ । ରାମଙ୍କ ପ୍ରାଣ ପ୍ରତିଷ୍ଠା ପାଇଁ କେବଳ ଭାରତୀୟ ନୁହନ୍ତି ସମଗ୍ର ବିଶ୍ବବାସୀ ଅପେକ୍ଷାରେ ରହିଛନ୍ତି । ତେବେ ଶୁଣିଲେ ଆଶ୍ଚର୍ଯ୍ୟ ଲାଗିବ । ତେବେ ନେଦରଲ୍ୟାଣ୍ଡରୁ ଆଗ୍ରା ଆସିଥିଲେ ହିନ୍ଦୀ ୟୁନିଭର୍ସିଟି ଫାଉଣ୍ଡେସନର ସଭାପତି ପ୍ରଫେସର ପୁଷ୍ପିତା ଅଗସ୍ତି। ତେବେ ସେ ଏଠାରେ ଡଃ ଭିମରାଓ ଆମ୍ବେଦକର ବିଶ୍ବବିଦ୍ୟାଳୟର କେଏମଆଇରେ ଆୟୋଜିତ ଆନ୍ତର୍ଜାତୀୟ ସମ୍ମିଳନୀରେ ଯୋଗଦେବାକୁ ଆସିଥିବା ବେଳେ କହିଛନ୍ତି, ’’ ମୁଁ ଏକ ଚର୍ଚ୍ଚ କିଣି ନେଦରଲ୍ୟାଣ୍ଡରେ ଦୁଇଟି ରାମ ମନ୍ଦିର ନିର୍ମାଣ କରିଛି ।’’
ପ୍ରଫେସର ପୁଷ୍ପିତା ଅବସ୍ତି କହିଛନ୍ତି ଯେ, ନେଦରଲ୍ୟାଣ୍ଡ୍ସରେ ଚର୍ଚ୍ଚ ବିକ୍ରି ହେଉଛି । ସେ ସେଠାରେ ଦୁଇଟି ଚର୍ଚ୍ଚ କିଣିଛନ୍ତି । ଯାହା ଉପରେ ରାମ ମନ୍ଦିର ତିଆରି କରାଯାଇଛି । ଯେଉଁଥିରେ ରାମ ଦରବାର, ଶିବ ପ୍ୟାରୀ, ଦୁର୍ଗା ମାତା ଏବଂ ହନୁମାନଙ୍କ ମୂର୍ତ୍ତି ରହିଛି । ସର୍ବପ୍ରଥମେ, ସେ ଏକ ଚର୍ଚ୍ଚ କିଣିଥିଲେ ଏବଂ 12 ବର୍ଷ ପୂର୍ବେ ନେଦରଲ୍ୟାଣ୍ଡର ଆମଷ୍ଟରଡାମ୍ ସହରର ରାଜପଥରେ ଥିବା ବାଗାଲଗିର୍ ଆପାଗାଉଡୋ ସ୍ଥାନରେ ଏକ ରାମ ମନ୍ଦିର ନିର୍ମାଣ କରିଥିଲେ । ଯେଉଁଥିରେ ସେବେଠାରୁ ରାମ ନାମର ସ୍ୱର ଶୁଣିବାକୁ ମିଳୁଛି । ଏହା ପରେ, 6 ବର୍ଷ ପୂର୍ବେ ସେ କ୍ରୋନିଙ୍ଗ ସହରରେ ଏକ ଚର୍ଚ୍ଚ କିଣି ଶ୍ରୀରାମ ମନ୍ଦିର ପ୍ରତିଷ୍ଠା କରିଥିଲେ । ଯେଉଁଥିରେ ଶ୍ରୀରାମ ଦରବାର, ଶିବଲିଙ୍ଗ, ମାଆ ଦୁର୍ଗାଙ୍କ ପ୍ରତିମା ରହିଛି । ଦୁଇ ମନ୍ଦିରରେ ଶନିବାର ଏବଂ ରବିବାର ଦିନ ବହୁତ ଭିଡ଼ ଦେଖିବାକୁ ମିଳୁଛି । ପୂଜା ଅର୍ଚନା ସାଙ୍ଗକୁ ଦର୍ଶନ ପାଇଁ ଅନେକ ଲୋକ ଆସୁଥିବା ସେ କହିଛନ୍ତି ।