ନୂଆଦିଲ୍ଲୀ: ସୁଧୁରୁନି ପାକିସ୍ତାନ । ଜମାରୁ ବି ଚେତୁନି । ସୀମାରେ ବାରମ୍ବାର କରିଚାଲିଛି ଅସ୍ତ୍ରବିରତି ଉଲ୍ଲଙ୍ଘନ। ଯାହାର କଡା ଯବାବ ଦେଉଛନ୍ତି ଭାରତୀୟ ସେନା । ଅସ୍ତ୍ରବିରତି ଉଲ୍ଲଙ୍ଘନ ସମୟରେ ଗତକାଲି ଭାରତୀୟ ଯବାନଙ୍କ ଗୁଳିରେ ପୁଣି 2 ପାକିସ୍ତାନୀ ଯବାନଙ୍କର ମୃତ୍ୟୁ ହୋଇଛି ।
ଏଲଓସି ନିକଟ ନୌସେରା ସେକ୍ଟରରେ ପାକିସ୍ତାନ ଅସ୍ତ୍ରବିରତି ଉଲ୍ଲଙ୍ଘନ କରିଥିବାବେଳେ ଭାରତ ପକ୍ଷରୁ କଡା ଜବାବ ଦିଆଯାଇଥିଲା । ଯେଉଁଥିରେ ଦୁଇ ଜଣ ପାକିସ୍ତାନୀ ସୈନ୍ୟଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏହାପୂର୍ବରୁ ଡିସେମ୍ବର 10 ତାରିଖରେ ମଧ୍ୟ ଭାରତୀୟ ଯବାନଙ୍କ ଗୁଳିରେ 5 ପାକିସ୍ତାନୀ ଯବାନଙ୍କ ମୃତ୍ୟୁ ହୋଇଥିଲା ।