ଶ୍ରୀନଗର:ଜମ୍ମୁରୁ IED ଉଦ୍ଧାର ମାମଲା । ଏହି ଘଟଣାରେ 2 ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରାଯାଇଛି । ଶୁକ୍ରବାର ଦିନ ସୋଫିଆନ ଓ ବାନିହାଲରୁ 2 ସନ୍ଦିଗ୍ଧଙ୍କୁ ଗିରଫ କରାଯାଇଛି । ଏହାସହ ଅଧିକ ତଦନ୍ତ ଜାରି ରଖିଛି । ପୂର୍ବରୁ ଏହି ଘଟଣାରେ ଗିରଫ ହୋଇଥିବା ଆତଙ୍କବାଦୀ ହେଉଛନ୍ତି ବାନିହାଲର ନାଡିମ-ଉଲ-ହକ ଓ ତଲିବ ଇ ରେହେମାନ ।
ଜୁନ୍ 27 ରେ, ନାଦିମ-ଉଲ-ହକଙ୍କୁ ସହରର ସୀମାନ୍ତରେ ଥିବା ଭାଟିଣ୍ଡି ଅଞ୍ଚଳରୁ 5.5 କିଲୋଗ୍ରାମ ଆଇଡି ସହ ତାଙ୍କୁ ଗିରଫ କରାଯାଇଥିଲା। ଏହା ସହ ପାକିସ୍ତାନ ସ୍ଥିତ ଲଶ୍କର-ଏ-ତାଇବା (ଲେଟି) ଜନଗହଳି ପୂର୍ଣ୍ଣ ସ୍ଥାନରେ ବିସ୍ଫୋରଣ ଘଟାଇବାକୁ ଯୋଜନାକୁ ଏଡ଼ାଇ ଦିଆଯାଇଥିଲା। ପୋଲିସର ମୁଖପାତ୍ର କହିଛନ୍ତି ଯେ, ଆତଙ୍କୀଙ୍କୁ କ୍ରମାଗତ ପଚରାଉଚରା ପରେ IED ଉଦ୍ଧାର କରାଯାଇଥିଲା । ଏବଂ ଆଉ ଦୁଇ ଜଣଙ୍କ ନାଁ ସାମ୍ନାକୁ ଆସିଥିଲା । ପରେ ପୋଲିସ ଛାନଭିନ ଆରମ୍ଭ କରିଥିଲା ।