ଶ୍ରୀନଗର:ସୋପିଆନରୁ ଦୁଇ ଆତଙ୍କବାଦୀ ଗିରଫ। ଘାଟିରେ ଦୁଇ LeT ଆତଙ୍କବାଦୀକୁ ଗିରଫ କଲା ସେନାବାହିନୀ । ଗୁଇନ୍ଦା ସୂତ୍ରରୁ ଖବର ପାଇବା ପରେ ସେନା ପକ୍ଷରୁ ଚଢାଉ କରାଯାଇଥିଲା । ସୋପିଆନର ସାହିଦ ଅହମଦ ଗନୀ ଓ କୈଫିୟତ ଆୟୁବ ଅଲ୍ଲୀକୁ ଗିରଫ କରାଯାଇଛି ।
ଜମ୍ମୁକାଶ୍ମୀର ସୋପିଆନରେ ଦୁଇ ଜଣ ଲସ୍କର ଏ ତୋଏବା ଆତଙ୍କବାଦୀ ଲୁଚି ରହିଥିବା ଖବର ପାଇଥିଲା ସେନା । ଗୁଇନ୍ଦା ସୂତ୍ରରୁ ଖବର ପାଇ ଜମ୍ମୁକାଶ୍ମୀର ପୋଲିସ ସହିତ ୪୪ ରାଷ୍ଟ୍ରୀୟ ରାଇଫଲ୍ସ ଏବଂ ସିଆପିଏଫର ୧୪ତମ ବାଟଲିୟନର ମିଳିତ ଅପରେସନ ଆରମ୍ଭ କରିଥିଲା । ଏହାପରେ ସେହି ଅଞ୍ଚଳକୁ କର୍ଡନ ଗରି ଘେରାବନ୍ଦୀ କରାଯାଇଥିଲା । ହେଲେ ସୁରକ୍ଷା ବଳକୁ ଚକମା ଦେଇ ଖସି ଯିବାକୁ ଚେଷ୍ଟା କରିଥିଲେ ଆତଙ୍କବାଦୀ । ତେବେ ସୁରକ୍ଷାବଳର ମିଳିତବାହିନୀ ସଂପୃକ୍ତ ଅଞ୍ଚଳକୁ ଘେରାବନ୍ଦୀ ଆଗରେ ଖସିପାରିନଥିଲେ । ଉଭୟଙ୍କୁ ସୁରକ୍ଷାବଳ ବେଶ ଚତୁରତାର ସହିତ କାବୁ କରିଛନ୍ତି ।