ମିଳିଲାନି ସ୍ବୀକୃତି, ପରିବାର ବିରୋଧରେ ଦୁଇ ସମଲିଙ୍ଗୀ କଲେ ବିବାହ

ଲକ୍ଷ୍ନୌ ସହରର ମିରୁଟ ଅଞ୍ଚଳରେ ସମଲିଙ୍ଗୀ ବିବାହ ଦେଖିବାକୁ ମିଳିଛି । ଏହି ଘଟଣା ପରେ ୨ ବନ୍ଧୁଙ୍କୁ ପରିବାର ଲୋକେ ମାଡ଼ ମାରିବା ସହ ଅସନ୍ତୋଷ ପ୍ରକାଶ କରିଛନ୍ତି । ଅଧିକ ପଢ଼ନ୍ତୁ

ଲକ୍ଷ୍ନୌ :ପ୍ରଥମେ ଭଲ ବନ୍ଧୁ ପରେ ପ୍ରେମ ଆଉ ଏବେ ବିବାହ । ଏହା କୌଣସି ପୁଅ-ଝିଅଙ୍କ ଖବର ନୁହେଁ । ଏହି ପ୍ରେମ ବିବାହ ହୋଇଛି ୨ ଝିଅଙ୍କ ମଧ୍ୟରେ । ଯାହାକୁ ନେଇ ଉଭୟଙ୍କ ପରିବାର ମଧ୍ୟରେ ଦେଖିବାକୁ ମିଳିଛି ତୁମୁଳକାଣ୍ଡ । ଲକ୍ଷ୍ନୌ ସହରର ମିରୁଟ ଅଞ୍ଚଳରେ ରହୁଥିବା ଦୁଇଜଣ ଝିଅ ପ୍ରଥମେ ଭଲ ବନ୍ଧୁ ହୋଇ ରହିବା ପରେ ଗଢ଼ି ଉଠିଥିଲା ପ୍ରେମ ସମ୍ପର୍କ । ଆଉ ଏବେ ଉଭୟ ବିବାହ କରିଛନ୍ତି ।

ଯେତେବେଳେ ସମ୍ପର୍କୀୟମାନେ ଏ ବିଷୟରେ ଜାଣିବାକୁ ପାଇଲେ, ସେତେବେଳେ ଉଭୟ ସାଙ୍ଗଙ୍କୁ ମାଡ଼ ମାରିଥିଲେ । ଏମାନଙ୍କ ମଧ୍ୟରୁ ଜଣେ ଝିଅ ମେଡିକାଲ ପୋଲିସ୍ ଷ୍ଟେସନ ଅଞ୍ଚଳର ଶାସ୍ତ୍ରୀନଗରର ବାସିନ୍ଦା ହୋଇଥିବା ବେଳେ ଅନ୍ୟ ଝିଅଟି ଲାଲକର୍ତ୍ତୀର। ଉଭୟ ଝିଅ ଗୋଟିଏ କଲେଜରେ B.Com ପଢୁଛନ୍ତି ।

ଏକ ବର୍ଷ ପୂର୍ବେ ଉଭୟ ଝିଅ ନୋଏଡାକୁ କାମ କରିବାକୁ ଯାଇଥିଲେ । ଦୁହେଁ ଏକାଠି ରହୁଥିଲେ । ସମ୍ପର୍କୀୟମାନେ ଜାଣିବାକୁ ପାଇଲେ ଯେ ଉଭୟ ସାଙ୍ଗ ବିବାହ କରିଛନ୍ତି । ଉଭୟ ଝିଅ ପ୍ରାୟତଃ ଗୋଟିଏ କୋଠରୀରେ ଅଧ୍ୟୟନ ବିଷୟରେ କଥାବାର୍ତ୍ତା କରୁଥିଲେ।

ଲାଲକର୍ତ୍ତୀରେ ରହୁଥିବା ଝିଅର ସମ୍ପର୍କୀୟମାନେ ତାଙ୍କୁ ନୋଏଡାଠାରୁ ଘରକୁ ଆଣିଥିଲେ । ଏ ସମ୍ପର୍କରେ ଇନ୍ସପେକ୍ଟର ମେଡିକାଲ ସାନ୍ତ ସରନ ସିଂ କହିଛନ୍ତି ଯେ ସମ୍ପର୍କୀୟମାନେ ଉଭୟଙ୍କୁ ମନାଇବା ପାଇଁ ଚେଷ୍ଟା କରୁଛନ୍ତି। ତେବେ ଉଭୟଙ୍କ ବିବାହ ସମ୍ପର୍କରେ ଏଯାବତ କୌଣସି ସୂଚନା ନଥିବା ପୋଲିସ କହିଛି ।