ହାଇଦ୍ରାବାଦ:ବିମାନର କ୍ର୍ୟୁ ସଦସ୍ୟଙ୍କୁ ଅଶ୍ଳୀଳ ମନ୍ତବ୍ୟ ଦେବା ଦୁଇ ବିଦେଶୀ ଯାତ୍ରୀଙ୍କ ପାଇଁ ମହଙ୍ଗା ପଡିଛି । ଗୋଆରୁ ମୁମ୍ବାଇ ଅଭିମୁଖେ ଉଡାଣ ଭରିବାକୁ ପ୍ରସ୍ତୁତ ହେଉଥିବା ଗୋ-ଫାଷ୍ଟ ବିମାନରୁ ଦୁଇ ବିଦେଶୀ ଯାତ୍ରୀଙ୍କୁ ବିଦା କରାଯାଇଛି(Two foreigners offloaded from plane )। ଗତ 6 ତାରିଖରେ ଏହି ଘଟଣା ଘଟଥିବା ବିମାନ କମ୍ପାନୀର ମୁଖପାତ୍ର ସୂଚନା ଦେଇଛନ୍ତି । କର୍ମଚାରୀଙ୍କୁ ଅଶ୍ଳୀଳ ମନ୍ତବ୍ୟ ଦେବା ଓ ଉଡ଼ାଣ ସୁରକ୍ଷା ପ୍ରୋଟୋକଲ ଉଲଙ୍ଘନ କରିବା କାରଣରୁ ଉଭୟଙ୍କୁ ଯାତ୍ରା କରିବାକୁ ଦିଆଯାଇନଥିବା ସହ ବୋର୍ଡିଂ ସମୟରେ ଫ୍ଲାଇଟ୍ରୁ ବାହାର କରାଯାଇ ବିମାନ ବନ୍ଦର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିବା ବିମାନ କମ୍ପାନୀ ମୁଖପାତ୍ର କହିଛନ୍ତି ।
କମ୍ପାନୀର ମୁଖପାତ୍ର କହିଛନ୍ତି, 6 ତାରିଖରେ ଗୋଆରୁ ମୁମ୍ବାଇ ଅଭିମୁଖେ ଉଡାଣ ଭରିବା ପାଇଁ ଗୋ-ଫାଷ୍ଟର G8-372 ବିମାନ ପ୍ରସ୍ତୁତ ହେଉଥିଲା । ଯାତ୍ରୀମାନେ ପ୍ଲେନରେ ବୋର୍ଡିଂ କରୁଥିଲେ । ଏହି ସମୟରେ ଯାତ୍ରା କରୁଥିବା ଦୁଇ ବିଦେଶୀ ଯାତ୍ରୀ ବିମାନର କ୍ର୍ୟୁ ସଦସ୍ୟଙ୍କ ସମ୍ପର୍କରେ ଆପତ୍ତିଜନ ମନ୍ତବ୍ୟ ଦେଇଥିଲେ । କିଛି ସମୟ ତିକ୍ତତା ହେବା ସହ ଉଭୟ ଉଡାଣ ସମ୍ପର୍କିତ ପ୍ରୋଟୋକଲ ମଧ୍ୟ ଉଲଙ୍ଘନ କରିଥିଲେ । ଉଭୟ ବିଦେଶୀ ଯାତ୍ରୀଙ୍କୁ ରୋକିବା ପାଇଁ ଉକ୍ତ ବିମାନର ପାଇଲଟ-ଇନ କମାଣ୍ଡ ସ୍ଥିର କରିଥିଲେ (Two foreigners offloaded from plane) । ଉଭୟଙ୍କୁ ବୋର୍ଡିଂରୁ ରୋକାଯିବା ସହ ବିମାନ ବନ୍ଦର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା । ସେହିପରି ସମ୍ପୂର୍ଣ୍ଣ ଘଟଣା ସମ୍ପର୍କରେ ମଧ୍ୟ ବିମାନ କମ୍ପାନୀ ବେସାମରିକ ଉଡାଣ ନିର୍ଦ୍ଦେଶାଳୟ (DGCA)କୁ ଅବଗତ କରିଛି ।