ଲକ୍ଷ୍ନୌ: ଉତ୍ତରପ୍ରଦେଶ ପ୍ରୟାଗରାଜରେ ଅପରାଧୀ ଓ ଏସଟିଏଫ ମଧ୍ୟରେ ଗୁଳିବିନିମୟ । ଏନକାଉଣ୍ଟରରେ ଦୁଇ ଦୁର୍ଦ୍ଦାନ୍ତ ଅପରାଧୀ ନିହତ । ମରିଥିବା ଦୁଇ ଅପରାଧୀଙ୍କ ଉପରେ ପୁରସ୍କାର ରାଶି ଘୋଷଣା ହୋଇଥିବା ସୂଚନା । ଦୁଇ ଅପରାଧୀ ହେଲେ ମୁଖତାର ଅନସାରୀ ଓ ମୁତ୍ରା ବଜରଙ୍ଗୀ ।
ତେବେ ଦୁଇ ଜଣ ସାଫ ସୁଟର ବୋଲି କୁହାଯାଉଛି । ସୂଚନା ଅନୁସାରେ, ଏହି ଦୁଇ ଜଣଙ୍କୁ ଏସଟିଏଫ ଧରିବାକୁ ଅରେଲ ଅଞ୍ଚଳରେ ପହଞ୍ଚିଥିଲା । ତେବେ ଏସଟିଏଫକୁ ଦେଖି ଦୁଇ ଅପରାଧୀ ଦୌଡିବାକୁ ଲାଗିଥିଲେ । ପୋଲିସ ସେମାନଙ୍କ ପିଛା କରିଥିଲା ।
ତେବେ ପୋଲିସ ପିଛା କରୁଥିବା ଦେଖି ଅପରାଧୀ ଦ୍ବୟ ଏସଟିଏଫ ଉପରକୁ ଗୁଳି ଚଳାଇଥିଲେ । ପରେ ଏସଟିଏଫ ନିଜକୁ ରକ୍ଷା କରିବା ପାଇଁ ଗୁଳି ଚଳାଇଥିଲେ । ଏଥିରେ ଦୁଇ ଅପରାଧୀ ନିହତ ହୋଇଥିବା କୁହାଯାଉଛି । ତେବେ ଏହି ଦୁଇ ଜଣଙ୍କ ଉପରେ 50 ହଜାର ଟଙ୍କା ଲେଖାଏଁ ପୁରସ୍କାର ରାଶି ଥିଲା ।