ଜୟପୁର: ରାଜସ୍ଥାନ କୋଟାର ଗ୍ରାମାଞ୍ଚଳରେ ଗୁରୁବାର ବିଳମ୍ବିତ ରାତ୍ରିରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ ବୋଲେରୋ ଟ୍ରକ୍ରେ ଧକ୍କା ହେବା ଫଳରେ 5 ଜଣଙ୍କର ମୃତ୍ୟୁ ଘଟିଥିବା ସହ 6 ଜଣ ଗଭୀର ଭାବେ ଆଘାତପ୍ରାପ୍ତ ହୋଇଛନ୍ତି ।
ରାଜସ୍ଥାନରେ ମର୍ମନ୍ତୁଦ ସଡକ ଦୁର୍ଘଟଣା, 5 ମୃତ
ମିଳିଥିବା ସୂଚନା ମୁତାବକ, ମଧ୍ୟପ୍ରଦେଶର ମଦିନାପୁର ଅଞ୍ଚଳରୁ 11 ଜଣ ଲୋକ କୋଟାର ମଣ୍ଡିରେ ଧାନ ବିକ୍ରି କରିବା ପାଇଁ ଯାଇଥିଲେ । ତେବେ ସେମାନେ ଗୁରୁବାର ବିଳମ୍ବିତ ରାତ୍ରିରେ ଧାନ ବିକ୍ରି କରି ଫେରିବା ସମୟରେ ସେମାନେ ଦୁର୍ଘଟଣାଗ୍ରସ୍ତ ହୋଇଥିଲେ । ଉମ୍ମେଦପୁରା ପେଟ୍ରୋଲ ପମ୍ପ ନିକଟରେ ରାତି ପ୍ରାୟ 1ଟା ସମୟରେ ଟ୍ରକ୍ ସହିତ ଧକ୍କା ହୋଇ ଦୁର୍ଘଟଣା ଘଟିଥିଲା । ଘଟଣାସ୍ଥଳରେ 4ଜଣଙ୍କର ମୃ୍ତ୍ୟୁ ହୋଇଥିବା ବେଳେ ମୋଟ 5ଜଣଙ୍କ ପ୍ରାଣହାନୀ ଘଟିଛି । ସେପଟେ 6 ଜଣ ଗୁରୁତର ଆହତ ହୋଇଛନ୍ତି ।