ହାଇଦ୍ରାବାଦ: ଭାରତୀୟ ବାୟୁସେନା ବିମାନ ଦୁର୍ଘଟଣାଗ୍ରସ୍ତ ହୋଇଛି । ଟ୍ରେନିଂ ବେଳେ ମଝି ଆକାଶରୁ ଖସି ପଡିଲା ବାୟୁସେନା ବିମାନ । ତେଲେଙ୍ଗାନା ଡୁଣ୍ଡିଗାଲ ଏୟାରଫୋର୍ସ ଟ୍ରେନିଂ ଏକାଡେମୀରେ ବାୟୁସେନା ବିମାନ ଦୁର୍ଘଟଣା ହୋଇଛି । ଏଥିରେ 2 ଜଣ ବାୟୁସେନା ପାଇଲଟ ମୃତ୍ୟୁ ହୋଇଥିବା ସୂଚନା ମିଳିଛି । ପିଲାଟୁସ ପିସି 7 ଏମକେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ପ୍ରଶିକ୍ଷଣ ବେଳେ ଉଡାଣ ଭରିଥିବାବେଳେ ବିମାନ ଦୁର୍ଘଟଣା ହୋଇଥିବା ଜଣାପଡିଛି । 2 ମୃତକଙ୍କ ମଧ୍ୟରେ ଜଣେ ପାଇଲଟ ଓ ଜଣେ ଇନଷ୍ଟ୍ରକ୍ଟର ଥିବା ବାୟୁସେନା ଅଧିକାରୀଙ୍କ ସୂଚନା ଦେଇଛନ୍ତି । ଏନେଇ ବାୟୁସେନା ପକ୍ଷରୁ କୋର୍ଟ ଅଫ ଏନକ୍ବାରୀ ନିର୍ଦ୍ଦେଶ ହୋଇଛି ।
ଆଜି ସକାଳ ପ୍ରାୟ 9ଟା ସମୟରେ ବାୟୁସେନା ବିମାନ ପିଲାଟୁସ ପିସି 7 ଏମଏକ II ଦୁର୍ଘଟଣାଗ୍ରସ୍ତ ହୋଇଛି । ତେଲେଙ୍ଗାନା ଡୁଣ୍ଡିଗାଲ ଏୟାରଫୋର୍ସ ଟ୍ରେନିଂ ଏକାଡେମୀରେ ନିୟମିତ ପ୍ରଶିକ୍ଷଣ ସମୟରେ ଏହି ଅଘଟଣ ଘଟିଛି । ଏହି ଦୁର୍ଘଟଣାରେ 2 ପାଇଲଟ ମୃତ୍ୟୁ ହୋଇଥିବା ନେଇ ଆଇଏଫ ପକ୍ଷରୁ ସୂଚନା ମିଳିଛି । ଦୁର୍ଘଟଣାର କାରଣ ଜଣାପଡିନାହିଁ । ଟ୍ରେନି ପାଇଲଟ ବିମାନ ଚଳାଉଥିଲେ । ବାୟୁସେନା ପକ୍ଷରୁ କୋର୍ଟ ଅଫ ଏନକ୍ବାରୀ ପାଇଁ ନିର୍ଦ୍ଦେଶ ଦିଆଯାଇଛି ।
ଆଇଏଏଫ ପକ୍ଷରୁ ଜାରି ହୋଇଥିବା ବିବୃତ୍ତି ଅନୁସାରେ, ମେଡକ ଜିଲ୍ଲା ତୁପରାନ ମୁନସିପାଲ ଅଞ୍ଚଳରେ ଏୟାରଫୋର୍ସ ଟ୍ରେନିଂ ଏକାଡେମୀରେ ବାୟୁସେନା ବିମାନ ଦୁର୍ଘଟଣା ହୋଇଛି । ଦୁର୍ଘଟଣା ସମୟରେ ବହୁତ ଜୋରରେ ଶଦ୍ଦ ହୋଇଥିଲା । ଏହାପରେ ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣାରେ ବିମାନଟି ସମ୍ପୂର୍ଣ୍ଣ ଜଳିଯାଇଛି । ବାୟୁସେନା ପକ୍ଷରୁ ତଦନ୍ତ ନିର୍ଦ୍ଦେଶ ଦିଆଯାଇଛି । ଦୁର୍ଘଟଣା ଆଉ କିଛି କ୍ଷୟକ୍ଷତି ହୋଇନଥିବା ଜଣାପଡିଛି ।