ଅମରାବତୀ: ଆନ୍ଧ୍ରପ୍ରଦେଶରେ ଦେଖିବାକୁ ମିଳିଛି ଅଭାବନୀୟ ଘଟଣା । ସ୍ବାମୀଙ୍କ ଦେହାନ୍ତ ହେବାର ମାତ୍ର 1 ଘଣ୍ଟା ପରେ ସ୍ତ୍ରୀର ଦେହାନ୍ତ ହେବା ସମଗ୍ର ଅଞ୍ଚଳରେ ଶୋକର ଛାୟା ଖେଳାଇଛି । ଘଟଣା ଦେଖିବାକୁ ମିଳିଛି ଆନ୍ଧ୍ରପ୍ରଦେଶ କଡ୍ଡପା ଜିଲ୍ଲାର କାଶୀନଭାନା ବ୍ଲକରେ । ସ୍ଥାନୀୟ ଅକୁନାନାୟାରାପଲ୍ଲୀ ନାମକ ଏକ ଗ୍ରାମରେ ଅଶିନ ଭାସା ନାମକ ଜଣେ ବୃଦ୍ଧ ରୋଗରେ ପୀଡିତ ଥିବାବେଳେ ଆଜି ତାଙ୍କର ଦେହାନ୍ତ ହୋଇଥିଲା ।
ଦୁଖଃଦ ଘଟଣା, ସ୍ବାମୀଙ୍କ ମୃ୍ତ୍ୟୁର 1 ଘଣ୍ଟା ପରେ ପ୍ରାଣ ହରାଇଲେ ସ୍ତ୍ରୀ
ମାତ୍ର ଏହାର ମାତ୍ର 1 ଘଣ୍ଟା ପରେ ତାଙ୍କର ପତ୍ନୀ ନାନିମା ମଧ୍ୟ ପ୍ରାଣ ହରାଇଥିବା ଦେଖିବାକୁ ମିଳିଛି । ସ୍ବାମୀଙ୍କ ମୃତ୍ୟୁରେ ମାନସିକ ଭାବେ ଆଘାତ ପାଇ ତାଙ୍କର ମୃତ୍ୟୁ ହୋଇଥିବା ସ୍ଥାନୀୟ ଲୋକ ତଥା ତାଙ୍କ ପଡୋଶୀ ସୂଚନା ଦେଇଛନ୍ତି ।