TMC ନେତାଙ୍କ ବିବାଦୀୟ ବୟାନ, 30% ମୁସଲିମ ଏକଜୁଟ ହେଲେ ଗଠନ ହେବ 4 ପାକିସ୍ତାନ

ଭିଡିଓରେ ଟିଏମସି ନେତା ଏହା କହୁଥିବାର ଶୁଣିବାକୁ ମିଳିଛି ଯେ ଯଦି ଭାରତରେ 30 ପ୍ରତିଶତ ମୁସଲିମ ଏକଜୁଟ ହୋଇଯିବେ ତାହେଲେ 4 ପାକିସ୍ତାନ ତିଆରି ହୋଇଯିବ । ଅଧିକ ପଢନ୍ତୁ...

କୋଲକାତା: ବଙ୍ଗ ବିଧାନସଭା ନିର୍ବାଚନ ପୂର୍ବରୁ ତୃଣମୂଳ କଂଗ୍ରେସ ନେତାଙ୍କ ବିବାଦୀୟ ବୟାନ । ଟିଏମସି ନେତା ଶେଖ ଆଲମଙ୍କ ଏକ ଭିଡିଓ ହେଉଛି ଭାଇରାଲ । ଭିଡିଓରେ ଟିଏମସି ନେତା ଏହା କହୁଥିବାର ଶୁଣିବାକୁ ମିଳିଛି ଯେ ଯଦି ଭାରତରେ 30 ପ୍ରତିଶତ ମୁସଲିମ ଏକଜୁଟ ହୋଇଯିବେ ତାହେଲେ 4 ପାକିସ୍ତାନ ତିଆରି ହୋଇଯିବ ।

ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ଆଉ 2 ଦିନ ବାକି ରହିଛି । ଏହାରି ମଧ୍ୟରେ ଟିଏମସି ନେତାଙ୍କ ବୟାନକୁ ସମାଲୋଚନା କରିଛି ଭାରତୀୟ ଜନତା ପାର୍ଟି । ମୁଖ୍ଯମନ୍ତ୍ରୀ ମମତା ବାନାର୍ଜୀଙ୍କ ଉପରେ ବହୁସଂଖ୍ୟକଙ୍କ ଅପମାନର ଅଭିଯୋଗ ଲଗାଇଛି ବିଜେପି ।

ନିଜ ବୟାନକୁ ନେଇ ବିବାଦ ଘେରକୁ ଆସିବା ପରେ କ୍ଷମା ମାଗିଛନ୍ତି ଟିଏମସି ନେତା । ଯଦି କାହାର ଭାବନାକୁ ଆଘାତ ପହଞ୍ଚିଛି ଏନେଇ କ୍ଷମା ମାଗୁଥିବା କହିଛନ୍ତି ଶେଖ ଆଲମ ।