କୋଲକାତା:କେନ୍ଦ୍ରୀୟ ସୁରକ୍ଷାବଳ ହଟାଇବାକୁ କେନ୍ଦ୍ର ଗୃହ ମନ୍ତ୍ରଣାଳୟକୁ ଚିଠି ଲେଖିଲେ ଟିଏମସି ଫେରିଥିବା ବିଜେପି ନେତା ମୁକୁଲ ରାୟ । ଏନେଇ ମୁକୁଲ ରାୟ କେନ୍ଦ୍ର ଗୃହ ମନ୍ତ୍ରଣାଳୟକୁ ଚିଠି ଲେଖି କେନ୍ଦ୍ରୀୟ ସୁରକ୍ଷା ହଟାଇବା ପାଇଁ ଅନୁରୋଧ କରିଛନ୍ତି । ସୂଚନାଥାଉକି ପଶ୍ଚିମବଙ୍ଗରେ ରାଜନୈତିକ ହିଂସାକୁ ଦୃଷ୍ଟିରେ ରଖି କେନ୍ଦ୍ର ଗୃହଣନ୍ତ୍ରଣାଳୟ ବିଜେପି ନେତାଙ୍କ ସୁରକ୍ଷା ପାଇଁ କେନ୍ଦ୍ରୀୟ ସୁରକ୍ଷା ଯୋଗାଇ ଦେଇଥିଲା ।
ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ବିଜେପି ନେତା ମୁକୁଲ ରାୟ ଗତକାଲି ବିଜେପିରୁ ଇସ୍ତଫା ଦେଇ ତୃଣମୂଳ କଂଗ୍ରେସକୁ ଫେରିଥିଲେ । ଗତକାଲି ତୃଣମୂଳ ଭବନକୁ ଯାଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ଟିଏମସି ଜାତୀୟ ସାଧାରଣ ସଂପାଦକ ଅଭିଷେକ ବାନାର୍ଜୀଙ୍କ ଉପସ୍ଥିତିରେ ବିଜେପି ନେତା ମୁକୁଲ ରାୟ ଓ ପୁଅ ଶୁଭାଂଶୁ ରାୟ ଟିଏମସିରେ ସାମିଲ ହୋଇଛନ୍ତି । ପଶ୍ଚିମବଙ୍ଗରେ ରାଜନୈତିକ ହିଂସାକୁ ନେଇ ଗୃହମନ୍ତ୍ରଣାଳୟ ପକ୍ଷରୁ ବିଜେପି ନେତାଙ୍କୁ କେନ୍ଦ୍ରୀୟ ସୁରକ୍ଷାବଳ ମୁତୟନ କରାଯାଇଥିଲା । ବର୍ତ୍ତମାନ ସେ ବିଜେପିରୁ ଇସ୍ତଫା ଦେଇଥିବାରୁ ସେ କେନ୍ଦ୍ରୀୟ ସୁରକ୍ଷାବଳ ହଟାଇବାକୁ ଚିଠି ଲେଖିଛନ୍ତି । ମୁକୁଲ ରାୟ ବିଜେପି ଟିକଟରେ କୃଷ୍ଣାନଗର ଆସନରୁ ବିଧାୟକ ଭାବରେ ବିଜୟ ହାସଲ କରିଥିଲେ ।