ହାଇଦ୍ରାବାଦ:ସୁସ୍ଥ ଶରୀର ସଭିଁଙ୍କୁ ଲୋଡା । ବର୍ତ୍ତମାନର ବ୍ୟସ୍ତବହୁଳ ଜୀବନରେ କେହି ବି ନିଜ ଶରୀର ପ୍ରତି ଏତେଟା ଧ୍ୟାନ ଦେଇପାରୁନାହାନ୍ତି । ଫଳରେ ଅଳ୍ପ ବୟସରୁ ହିଁ ବିଭିନ୍ନ ରୋଗର ଶିକାର ହେଉଛନ୍ତି। ଏଣୁ ଡାକ୍ତରମାନେ ଲୋକଙ୍କୁ ଫିଟ୍ ରହିବାକୁ ଏକ୍ସରସାଇଜ୍ କରିବା ସହ ହେଲଦି ରୁଟିନ୍ ଫଲୋ କରିବାକୁ ପରାମର୍ଶ ଦେଉଛନ୍ତି। ଏହାଦ୍ବାରା ଶରୀର ଏବଂ ମନ ଉଭୟ ସୁସ୍ଥ ରହିଥାଏ ବୋଲି ପୁଷ୍ଟିକର ଓ ସ୍ୱାସ୍ଥ୍ୟ ବିଶେଷଜ୍ଞ ୟଶ ଭର୍ଦ୍ଦନ ସ୍ବାମୀକହିଛନ୍ତି । ତେବେ ସୁସ୍ଥ ଶରୀର ଓ ମନ ପାଇଁ ଜାଣନ୍ତୁ ୫ଟି ନିୟମ ।
ପୁଷ୍ଟିକର ଖାଦ୍ୟ :ନିଜର ଦୈନନ୍ଦିନ ଖାଦ୍ୟରେ ପୁଷ୍ଟିକର ଆହାର ଖାଇବା ଜରୁରୀ । ହେଲେ ଏହାର ଅର୍ଥ ନୁହେଁ ଯେ ଆମେ ସବୁବେଳେ ସାଲାଡ ଖାଇବା ଜାରି ରଖିବା । କିନ୍ତୁ ଆମକୁ ନିଶ୍ଚିତ କରିବାକୁ ପଡିବ ଯେ ପ୍ରୋଟିନ୍, କାର୍ବୋହାଇଡ୍ରେଟ୍, ଫ୍ୟାଟ୍ ଠାରୁ ଭିଟାମିନ୍ ଏବଂ ମିନେରାଲ୍ସ ପର୍ଯ୍ୟନ୍ତ ଆବଶ୍ୟକ କରୁଥିବା ସମସ୍ତ ପୁଷ୍ଟିକର ଯେପରି ଆମ ଖାଦ୍ୟରେ ଥିବ । ଯାହା ଦ୍ବାରା ଆମ ଶରୀର ସୁସ୍ଥ ରହିବ । କାରଣ ଆମର ମୋଟ କ୍ୟାଲୋରୀ ଗ୍ରହଣ ଆମ ଶରୀରର ସହିତ ମେଳ ଖାଇବା ଜରୁରୀ । ଆମକୁ ଏହା ମଧ୍ୟ ମନେ ରଖିବା ଉଚିତ ଯେ ଆମ ଶରୀରର ୫୦-୬୦ ପ୍ରତିଶତ ଜଳକୁ ନେଇ ଗଠିତ ଏବଂ ଉତ୍ତମ ସ୍ୱାସ୍ଥ୍ୟ, ମସ୍ତିଷ୍କ କାର୍ଯ୍ୟ ଇତ୍ୟାଦି ପାଇଁ ଆମକୁ ପର୍ଯ୍ୟାପ୍ତ ପରିମାଣର ପାଣି ମଧ୍ୟ ପିଇବା ଉଚିତ ।
ବ୍ୟାୟାମ ଏବଂ କାର୍ଯ୍ୟକଳାପ :ସୁସ୍ଥ ରହିବା ପାଇଁ ପ୍ରତ୍ୟେକ ଦିନ ବ୍ୟାୟାମ କରନ୍ତୁ । ବ୍ୟାୟାମ କରିବା ଦ୍ବାରା ଆମ ଶରୀର ଏବଂ ମାନସିକ ସ୍ଥିତି ସୁସ୍ଥ ରହିଥାଏ । ତେବେ ଯେଉଁ ବ୍ୟାୟାମ ଆପଣଙ୍କ ପାଇଁ ଉପଯୁକ୍ତ ଆପଣ ତାହା କରନ୍ତୁ । ଦେଖିବେ ଆପଣ ନିଜେ ସୁସ୍ଥ ରହିବା ସହ ମାନସିକ ସ୍ଥିତି ଠିକ ରହିବ । ଖାଲି ସେତିକି ନୁହେଁ ଦୈନନ୍ଦିନ ଚାଲିବା ଅଭ୍ୟାସ କରନ୍ତୁ । ପାଖାପାଖି ଗୋଟେ କିଲୋମିଟର ଚାଲନ୍ତୁ ।