ଲକ୍ଷ୍ନୌ:ଚା' ପିଇବା ହେଲା କାଳ, ଚା' ପିଇ ତିନି ଜଣଙ୍କର ମୃତ୍ୟୁ ହୋଇଥିବା ସୂଚନା (Three Die After Consuming Tea In UP Village)। ସେମାନଙ୍କ ମଧ୍ୟରେ ୨ଜଣ ଶିଶୁ ରହିଥିବା ଜଣାପଡିଛି । ଏଭଳି ଅଭାବନୀୟ ଘଟଣା ଘଟିଛି ଉତ୍ତରପ୍ରଦେଶର ନାଗଲା କାହ୍ନାଇ ଗ୍ରାମରେ । ତିନି ମୃତକ ହେଉଛନ୍ତି ରବିଦ୍ର ସିଂ ଓ ତାଙ୍କ ଦୁଇ ନାତି । ଜଣଙ୍କ ବୟସ ୫ ବର୍ଷ ହୋଇଥିବା ବେଳେ ଅନ୍ୟ ଜଣଙ୍କ ବୟସ ୬ ବର୍ଷ ।
ମିଳିଥିବା ସୂଚନା ଅନୁଯାୟୀ, ବୁଧବାର ଭାଇ ଦୁଜ ଅବସରରେ ରବୀନ୍ଦ୍ର ସିଂ ତାଙ୍କ ପୁଅ ଶିବନନ୍ଦନ ପରିବାରର ଅନ୍ୟ ସଦସ୍ୟଙ୍କୁ ଦେଖା କରିବାକୁ ନାଗଲା କାହ୍ନାଇ ଗ୍ରାମକୁ ଆସିଥିଲେ । ଏହି ସମୟରେ ତାଙ୍କ ବୋହୂ ପରିବାର ସମସ୍ତ ସଦସ୍ୟଙ୍କ ପାଇଁ ଚା ପ୍ରସ୍ତୁତ କରିଥିଲେ । ତେବେ ରବିନ୍ଦ୍ର ଚା ପିଇବାର ମାତ୍ର କିଛି ସମୟ ପରେ ଚେତାଶୂନ୍ୟ ହୋଇ ପଡ଼ିଥିଲେ । ଏହା ପରେ, ତାଙ୍କର ଦୁଇ ନାତି ମଧ୍ୟ ଚେତାଶୂନ୍ୟ ହୋଇ ପଡ଼ିଥିଲେ । ସମସ୍ତଙ୍କୁ ସଙ୍ଗେ ସଙ୍ଗେ ନିକଟ ହସ୍ପିଟାଲରେ ଭର୍ତ୍ତି କରାଯାଇଥିଲା ।