ଡେରାଡୁନ: ଡିଜିଟାଲ ଯୁଗରେ ସୋସିଆଲ ମିଡିଆର ବେଶ ଚାହିଦା ରହିଛି । ସୋସିଆଲ ମିଡିଆରେ ଭିଡିଓ ପୋଷ୍ଟ କରି ମାତ୍ର କେଇ ସେକେଣ୍ଡରେ ଜଣେ ସାଧାରଣରୁ ଚର୍ଚ୍ଚିତ ଚେହେରା ବନିଯାଉଛନ୍ତି । ସେହିପରି ନିଜ ବିଜନେସକୁ ନେଇ ସୋସିଆଲ ମିଡିଆରେ ଅନେକ ବିଜ୍ଞାପନ ମଧ୍ୟ କରୁଛନ୍ତି । କାହିଁକିନା ଖୁବ କମ ସମୟ ମଧ୍ୟରେ ଏହା ଲୋକଙ୍କ ନିକଟରେ ପହଞ୍ଚି ପାରେ। ତେବେ ନିଜର ଅନୁଗାମୀଙ୍କ ସଂଖ୍ୟା ବଢାଇବାକୁ ଏବେ ସୋସିଆଲ ମିଡିଆରେ ସାଧୁ ସନ୍ଥ ମଧ୍ୟ ବେଶ ଆକ୍ଟିଭ ରହୁଛନ୍ତି । ଧର୍ମବାଣୀ, ଜୀବନର ମୂଲ୍ୟ ବୋଧକୁ ନେଇ ଜ୍ଞାନ ଦେଉଥିବା ସାଧୁ ସନ୍ଥ ଏବେ ଖୁବ କମ ସମୟରେ ଲୋକ ପ୍ରିୟତା ହାସଲ କରିବା ସହ ଅନୁଗାମୀଙ୍କ ସଂଖ୍ୟା ବୃଦ୍ଧି କରିବାକୁ ସୋସିଆଲ ମିଡିଆର ବ୍ୟବହାର କରୁଥିବା ଦେଖିବାକୁ ମିଳୁଛି । ଯଦି ଦେଖାଯାଏ ଏ କ୍ଷେତ୍ରରେ ଯୋଗ ଗୁରୁ ବାବା ରାମ ଦେବ ସବୁଠାରୁ ଆଗରେ ରହିଛନ୍ତି ।
ବାବା ରାମ ଦେବ
ସାରା ବିଶ୍ୱରେ ପ୍ରଶଂସକ ଅଛନ୍ତି । ଯେଉଁଥି ପାଇଁ ସୋସିଆଲ ମିଡିଆରେ ରାମ ଦେବଙ୍କ ଲୋପ୍ରିୟତା ବେଶ ଭଲ ରହିଛି । ସୋସିଆଲ ମିଡିଆରେ ବାବା ରାମଦେବଙ୍କ ଯୋଗ ଭିଡିଓ ଓ ପ୍ରଡକ୍ଟ, ଫଟୋ ଓ ସାଧୁବାଣୀ ଦେଖିବାକୁ ମିଳୁଛି । ଲୋକେ ମଧ୍ୟ ଏହାକୁ ବେଶ ପସନ୍ଦ କରୁଛନ୍ତି । ବାବା ରାମ ଦେବଙ୍କ ଫେସବୁକ ଫଲୋର୍ସଙ୍କ ସଂଖ୍ୟା 11M ରହିଥିବା ବେଳେ ଇନଷ୍ଟାଗ୍ରାମରେ ଫଲୋର୍ସଙ୍କ ସଂଖ୍ୟା 3M ରହିଛି । ସେହିପରି ଟ୍ବିଟରରେ 2.6M ରହିଛି । ସେହିପରି ସୋସିଆଲ ମିଡିଆରେ ଅପଲୋଡ ହେଉଥିବା ଭିଡିଓ ମଧ୍ୟ ଲକ୍ଷ ଲକ୍ଷ ଲୋକ ଦେଖୁଛନ୍ତି । ରାମ ଦେବଙ୍କ ବାଣୀ ଲୋକଙ୍କୁ ପସନ୍ଦ ଆସୁଥିବାରୁ ଦିନକୁ ଦିନ ଅନୁଗାମୀଙ୍କ ସଂଖ୍ୟା ବୃଦ୍ଧି ପାଉଛି ।