ନୂଆଦିଲ୍ଲୀ: ଶହେ ବର୍ଷରେ ପାଦ ଦେଲେ ଭାରତୀୟ ସେନାର ପୂର୍ବତନ ସେନା ନାୟକ କର୍ଣ୍ଣେଲ ପୃଥିପାଲ ସିଂ । 1920 ଡିସେମ୍ବର 11 ତାରିଖରେ ତାଙ୍କର ଜନ୍ମ ହୋଇଥିଲା । ପୃଥିପାଲ ଭାରତୀୟ ସେନାର ଏମିତି ଜଣେ ଯୋଦ୍ଧା ଥିଲେ ଯିଏ ଭାରତୀୟ ସେନାର 3 ଅଙ୍ଗ ତଥା ସ୍ଥଳ ସେନା, ନୌସେନା ଓ ବାୟୁ ସେନାରେ ସାମିଲ ହୋଇ ଦେଶର ସେବା କରିଛନ୍ତି । ସ୍ବାଧିନତା ପୁର୍ବରୁ ବିଶ୍ବଯୁଦ୍ଧ ମଧ୍ୟ ଲଢିବାର ସୌଭାଗ୍ୟ ପାଇଥିବା ଭାରତୀୟ ବୀର ମାନଙ୍କ ମଧ୍ୟରେ ସେ ଅନ୍ୟତମ ।
ତାଙ୍କ ପିତା ମଧ୍ୟ ଜଣେ ସେନାରେ କାର୍ଯ୍ୟରତ ଯବାନ ଥିଲେ । ସେ ମଧ୍ୟ 1942 ମସିହାରେ ରୟାଲ ଏୟାର ଫୋର୍ସରେ ଯୋଗ ଦେଇଥିଲେ । ତାଙ୍କ ବିଷୟରେ ଏମିତି ଶୁଣିବାକୁ ମିଳେ ଯେ ପରିବାର ଅଜଣାତରେ ସେ ବ୍ରିଟିଶ ଶାସନ କାଳରେ ରୟାଲ ଏୟାର ଫୋର୍ସରେ ଭର୍ତ୍ତି ହୋଇଥିଲେ ।
ନିଜ ସାମରିକ କ୍ୟାରିଅର ପ୍ରାୟ 3 ଦଶନ୍ଧିରୁ ଉର୍ଦ୍ଧ୍ବ ଧରି ସେ ଜଣେ ବାୟୁ ଯୋଦ୍ଧା ଭାବେ ଦେଶର ସେବା କରିବାର ସୁଯୋଗ ପାଇଥିଲେ । ତାପରେ ସେ ସ୍ଥଳ ସେନା ଓ ଭାରତୀୟ ନୌସେନାରେ ମଧ୍ୟ ଜଣେ ଆଗ ଧାଡିର ଯୋଦ୍ଧା ଭାବେ ଦାୟିତ୍ବ ତୁଲାଇଛନ୍ତି । ସେ ତାଙ୍କ ସାମରିକ କ୍ୟାରିୟରରେ ଦ୍ବିତୀୟ ବିଶ୍ବଯୁଦ୍ଧ ଓ ପରେ ସ୍ବାଧୀନ ଭାରତରେ ଲଢାଯାଇଥବା ପ୍ରତ୍ୟେକ ଯୁଦ୍ଧରେ ତାଙ୍କର ଅଂଶଗ୍ରହଣ ଦେଖିବାକୁ ମିଳିଥିଲା । 1965 ଭାରତ-ପାକ ଯୁଦ୍ଧ ସମେତ ବିଭିନ୍ନ ସାମରିକ ଅଭ୍ୟାସରେ ମଧ୍ୟ ଭାଗ ନେଇଛନ୍ତି ।