ପୁଣେ: ସହଜ ହେବ କୋଭିଡ ଟେଷ୍ଟ । କମ୍ ବ୍ୟୟରେ ଘରେ ବସି ଆରମରେ କରିପାରିବେ ଟେଷ୍ଟ । ଏନେଇ ପୁଣେସ୍ଥିତ ମାଇଁ ଲ୍ୟାବ ଡିସକଭରି ସଲ୍ୟୁସନ ଲିମିଟେଡ ପକ୍ଷରୁ କୋଭିସେଲ୍ଫ ନାମକ ଏକ ରାପିଡ ଆଣ୍ଟିଜେନ ଟେଷ୍ଟ କିଟ୍ ବିକଶିତ କରାଯାଇଛି । ଏହି କିଟର ମୂଲ୍ୟ ମାତ୍ର 250 ଟଙ୍କା ରହିଛି । ଆଇସିଏମଆର ପକ୍ଷରୁ ଏହାକୁ ଗ୍ରୀନ ସିଗନାଲ ମିଳିଛି ।
ଦେଶରେ ଦ୍ରୁତଗତିରେ ସଂକ୍ରମଣ ବଢୁଛି । ଫଳରେ ଲକ୍ଷଣ ଥାଇ ମଧ୍ୟ ଲୋକମାନେ ଟେଷ୍ଟ କରିପାରୁନାହାନ୍ତି । ଏହିସବୁ ସମସ୍ୟାକୁ ଦୃଷ୍ଟିରେ ରଖି ମାଇଁ ଲ୍ୟାବ ଡିସକଭରି ସଲ୍ୟୁସନ ଲିମିଟେଡ କୋଭିସେଲ୍ଫ କିଟ୍ ତିଆରି କରିଛି । ଯଦ୍ବାରା ଜଣେ ବ୍ୟକ୍ତି ନିଜ ଘରେ ବସି ମଧ୍ୟ ଏହି କିଟ୍ ଦ୍ବାରା କୋରୋନା ଟେଷ୍ଟ କରିପାରିବେ ।