ନୂଆଦିଲ୍ଲୀ: ନିକଟ ଅତୀତରେ ଭାରତର ଏକମାତ୍ର ରାଷ୍ଟ୍ରାୟତ ବିମାନ କମ୍ପାନୀ ଏୟାର ଇଣ୍ଡିଆର ମାଲିକାନା ହାତେଇବାରେ ସଫଳ ହୋଇଥିବା ଟାଟା ସନ୍ସ ଏବେ ଏୟାର ଏସିଆ ଇଣ୍ଡିଆର ମାଲିକାନ ଅଧିଗ୍ରହଣ କରିବାକୁ ଆଗ୍ରହ ପ୍ରକାଶ କରିଛନ୍ତି । ଏୟାର ଇଣ୍ଡିଆ ଓ ଏୟାର ଏସିଆକୁ ମିଶ୍ରଣ କରି ଏକକ ବିମାନ ସଂସ୍ଥାରେ ପରିଣତ କରିବାକୁ ସଂସ୍ଥା ଚାହୁଁଥିବା ବେଳେ Competition Commission of India (CCI)ର ମଞ୍ଜୁରୀ ପାଇଁ ଆବେଦନ କରିଥିବା ଜଣାପଡିଛି ।
ବିମାନ ସେବା ପ୍ରଦାନକାରୀ Air-Asia ଇଣ୍ଡିଆ ସଂସ୍ଥା ଭାରତରେ ସେବା ଯୋଗାଉଥିବା ବିମାନ ସଂସ୍ଥାଗୁଡିକ ମଧ୍ୟରେ ସବୁଠୁ କମ ମୂଲ୍ୟରେ ସେବା ଯୋଗାଇବା ପାଇଁ ଯାତ୍ରୀଙ୍କ ଆଦୃତି ଲାଭ କରିଛି । ବର୍ତ୍ତମାନ ଭାରତରେ ଟାଟା ସନ୍ସ ସଂସ୍ଥାର 83.67 ଅଂଶଧନ ସହ ପରିଚାଳନା ଦାୟିତ୍ବରେ ଥିବା ବେଳେ ଅବଶିଷ୍ଟ 16.33 ପ୍ରତିଶତ ଏୟାର-ଏସିଆ ଇନଭେଷ୍ଟମେଣ୍ଟ ଲିମିଟେଡ (AAIL) ନିକଟରେ ରହିଛି ।