ଚେନ୍ନାଇ: ତାମିଲନାଡୁରେ ପ୍ରବଳ ବର୍ଷା ଯୋଗୁଁ ମୃତ୍ୟୁସଂଖ୍ୟା 12କୁ ବୃଦ୍ଧି ପାଇଛି । ଏନେଇ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ କେକେଏସଆର ରାମଚନ୍ଦ୍ରନ ସୂଚନା ଦେଇଛନ୍ତି । ଏଥିସହ ଏବେ ବି ଉଦ୍ଧାରକାରୀ ଟିମ୍ ବିଭିନ୍ନ ସ୍ଥାନରେ ମୁତୟନ ଥିବା କହିଛନ୍ତି ।ଅନ୍ୟପଟେ ବର୍ଷା ମଧ୍ୟ ଥମିବାର ନାଁ ଧରୁନି । ପୁଣି ଆସନ୍ତା ୩ ଘଣ୍ଟା ମଧ୍ୟରେ ତାମିଲନାଡୁର କିଛି ଜିଲ୍ଲାର କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ସହ ବଜ୍ରପାତ ହେବାର ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ ।
ଚେନ୍ନାଇ,ତିରୁଭାଲୁର, କାଲାକୁରିଚି, ସାଲେମ, ଭେଲୋର, ତିରୁପତି, ରାନିପେଟ, ଥିରୁବନ୍ନାମଲାଇ ଏବଂ ପୁଡୁଚେରୀ ପାଇଁ ରେଡ ଆଲର୍ଟ ଜାରି କରାଯାଇଛି । ଏହାସହ ଆଜି(ଗୁରୁବାର) କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।