ମୁମ୍ବାଇ: ଶିଳ୍ପପତି ମୁକେଶ ଅମ୍ବାନୀଙ୍କ ବାସଭବନ ଆଣ୍ଟିଲିଆ ସମ୍ମୁଖରେ ବିସ୍ଫୋରକ ବୋଝେଇ ଗାଡି ରଖିବା ମାମଲାରେ ଗିରଫ ଓ ପରେ ମହାରାଷ୍ଟ୍ର ପୋଲିସ ସେବାରୁ ନିଲମ୍ବିତ ପୋଲିସ ଅଧିକାରୀ ସଚିନ ଓ୍ବାଜେଙ୍କୁ କୋର୍ଟରେ ହାଜର କରିଛି ଏନଆଇଏ । ଏନଆଇଏ ସ୍ବତନ୍ତ୍ର କୋର୍ଟରେ ତାଙ୍କୁ ହାଜର କରାଯାଇଛି ।
ତେବେ ସ୍ବାସ୍ଥ୍ୟଗତ ସମସ୍ୟା ଦର୍ଶାଇ ତାଙ୍କୁ ଜାମିନ ପ୍ରଦାନ ପାଇଁ ଆବେଦନ କରିଛନ୍ତି ଓ୍ବାଜେଙ୍କ ଓକିଲ । ସ୍ବାସ୍ଥ୍ୟବସ୍ଥା ସମ୍ପର୍କିତ ମେଡିକାଲ ରିପୋର୍ଟ ଦାଖଲ କରିବା ପାଇଁ କୋର୍ଟ ଓ୍ବାଜେଙ୍କ ଓକିଲଙ୍କୁ କହିଥିବା ସୂଚନା ରହିଛି । ମାତ୍ର ଓ୍ବାଜେଙ୍କୁ ଜାମିନ ମିଳିଲେ ତଦନ୍ତ ପ୍ରଭାବିତ ହେବାର ଆଶଙ୍କା କରୁଛି ଏନଆଇଏ ।