ଇମ୍ପାଲ: ମଣିପୁର ରାଜଧାନୀ ପୂର୍ବ ଇମ୍ପାଲ ତେଲିପତିର ଗାଲା ମାଲଗୋଦାମ ଆଗରେ ଏକ ବିସ୍ଫୋରଣ ହୋଇଛି । ଏକ ଆଇଡି ବିସ୍ଫୋରଣ ହୋଇଥିବା ଅନୁମାନ କରାଯାଉଛି । ବିସ୍ଫୋରଣରେ କିଛି କ୍ଷୟକ୍ଷତି ହୋଇନାହିଁ (Suspected IED blast takes place in Manipur's Imphal) । ଘଟଣାର ତଦନ୍ତ ଜାରି ରହିଛି ।
ରାତି ପାଖାପାଖି ୩ଟା ୩୦ରେ ଏହି ବିସ୍ଫୋରଣ ହୋଇଛି । ପୋରୋମପଟ ପୋଲିସ ଦଳ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟନ କରଥିଲେ । ଫୋରେନସିକ୍ ଟିମ ଘଟଣାରେ ପହଞ୍ଚି ଅନୁସନ୍ଧାନ ଜାରି ରଖିଛି । ଗଣମାଧ୍ୟମକୁ ସୂଚନା ଦେଇ ପୋରୋମପଟ ସବ ଇନସପେକ୍ଟର ଏହା ଏକ ଆଇଡି ବିସ୍ଫୋରଣ ହୋଇଥିବା ଅନୁମାନ କରାଯାଉଛି। ସେଠାରେ ଲାଗିଥିବା ସିସିଟିଭ କ୍ୟାମେରାରେ ବିସ୍ଫୋରଣର ଦୃଶ୍ୟ କଏଦ ହୋଇଛି । ସିସିଟିଭି ଫୁଟେଜରେ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଚିହ୍ନଟ କରାଯାଇଛି ତଥାପି ତାଙ୍କ ପରିଚୟ ଜଣା ପଡିନାହିଁ ବୋଲି କହିଛନ୍ତି ପୋରୋମପଟ ସବ ଇନସପେକ୍ଟର ।