ଶ୍ରୀନଗର: ରଜୌରୀରେ ଭୟଙ୍କର ବିସ୍ଫୋରଣ (IED Blast in Rajouris Upper Dangri village ) । ଜମ୍ମୁକାଶ୍ମୀରର ରଜୌରୀ ଅପର ଦାଙ୍ଗୀର ଗ୍ରାମରେ ଆଇଡି ବିସ୍ଫୋରଣ ଯୋଗୁଁ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ସାଧାରଣ ନାଗରିକ ଆହତ ହୋଇଛନ୍ତି । ଗୁରୁତର ଅବସ୍ଥାରେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ମୃତକଙ୍କ ମଧ୍ୟରେ ଜଣେ ମହିଳା ରହିଥିବା ବେଳେ ଆଉ ଜଣେ ଶିଶୁ ହୋଇଥିବା ଜଣାପଡିଛି । ଗତକାଲି ରୌଜରୀରେ ଗୁଳିକାଣ୍ଡ ଘଟିଥିବା ଜଣେ ଆହତଙ୍କ ଘରେ ଆଜି IED ବିସ୍ଫୋରଣ ହୋଇଥିଲା । ଏଥିସହ ଘଟଣାସ୍ଥଳରୁ ଏକ IED ଜବତ କରାଯାଇଥିବା ଏଡିଜିପି ମୁକେଶ ସିଂ ସୂଚନା ଦେଇଛନ୍ତି ।
ଗତକାଲି ହୋଇଥିଲା ଗୁଳିକାଣ୍ଡ
ମିଳିଥିବା ସୂଚନା ଅନୁଯାୟୀ, ଗତକାଲି ଦାଙ୍ଗୀର ଗ୍ରାମରେ ଆତଙ୍କବାଦୀ ଆକ୍ରମଣ ଘଟଣା ସାମ୍ନାକୁ ଆସିଥିଲା । ଦାଙ୍ଗୀର ଗ୍ରାମରେ ୩ଟି ଘରେ ଗୁଳିମାଡ କରିବାରୁ ୪ ଜଣଙ୍କର ମୃତ୍ୟୁ ହେବା ସହ ୬ଜଣ ଗୁରୁତର ହୋଇଥିଲେ । ଏହି ଘଟଣାରେ ସର୍ଚ୍ଚଅପେରସନ ମଧ୍ୟ ଜାରି ରହିଥିବା ବେଳେ ଏବେ ପୁଣି ଆଉ ଏକ ବିସ୍ଫୋରଣ ଘଟଣା ସାମ୍ନାକୁ ଆସିଛି । ଯେଉଁଥିରେ ଘଟଣାସ୍ଥଳରେ ଜଣେ ଶିଶୁରେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ମହିଳାଙ୍କ ହସ୍ପିଟାଲରେ ମୃତ୍ୟୁ ହୋଇଛି । ୪ଜଣ ଆହତଙ୍କ ମଧ୍ୟରେ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି ।
ଅଶାନ୍ତ ରଜୌରୀ, ମୃତଦେହ ରଖି ବିକ୍ଷୋଭ