ଗାନ୍ଧୀନଗର: ଅହେତୁକ ତୈଳ ଦର ବୃଦ୍ଧି ସମୟରେ ଗୁଜୁରାଟ ସୁରଟର ଏକ ଘରୋଇ କମ୍ପାନି କର୍ମଚାରୀଙ୍କୁ ଆଶ୍ବସ୍ତି ଦେଇଛି । ଦୀପାବଳି ଅବସରରେ ଏହି କମ୍ପାନି କର୍ମଚାରୀମାନଙ୍କୁ ଇଲେକ୍ଟ୍ରିକ ସ୍କୁଟର ଉପହାର କରିଛି ।
କମ୍ପାନି ପାଖାପାଖି 35 କର୍ମଚାରୀଙ୍କୁ ଇଲେକ୍ଟ୍ରିକ ସ୍କୁଟର ଦେଇଥିବା ଜଣାପଡିଛି । ଦିନକୁ ଦିନ ତେଲ ଦର ବୃଦ୍ଧିକୁ ଦୃଷ୍ଟିରେ ରଖି ଏପରି ଉପହାର କରିଥିବା କମ୍ପାନି ନିର୍ଦ୍ଦେଶକ ସୁବାଷ ଦୱାର କହିଛନ୍ତି । ସେ କହିଛନ୍ତି ଯେ, 'ତେଲ ଦର ବୃଦ୍ଧି କେବଳ ଖବରର ଶିରୋନାମା ହୋଇନାହିଁ ବରଂ ଅର୍ଥନୀତି ଉପରେ ମଧ୍ୟ ପ୍ରଭାବ ପକାଇଛି । କମ୍ପାନିର ଏପରି ଏକ ନିଷ୍ପତ୍ତି କେବଳ ଯେ ତେଲ ଖର୍ଚ୍ଚରୁ ରକ୍ଷା କରିବ ତାହା ନୁହେଁ, ଏଥିସହ ପରିବେଶର ସୁରକ୍ଷାରେ ମଧ୍ୟ ସହାୟକ ହେବ ।'