ନୂଆଦିଲ୍ଲୀ:ଉଚ୍ଚଶିକ୍ଷା ଓ ଚାକିରି କ୍ଷେତ୍ରରେ ଅର୍ଥନୈତିକ ଦୁର୍ବଳ ବର୍ଗଙ୍କ ପାଇଁ (Economically Weaker Section) ସଂରକ୍ଷଣ ଉପରେ ସୁପ୍ରିମ ମୋହର । ଆର୍ଥିକ ଅନଗ୍ରସର ବର୍ଗଙ୍କ ପାଇଁ ସରକାରୀ ଚାକିରି ଓ ଶିକ୍ଷା କ୍ଷେତ୍ରରେ ୧୦ ପ୍ରତିଶତ ସଂରକ୍ଷଣ ଜାରି ରହିବ । ଉଚ୍ଚଶିକ୍ଷାରେ ଅର୍ଥନୈତିକ ଦୁର୍ବଳ ବିଭାଗର ସଂରକ୍ଷଣର ସାମ୍ବିଧାନିକ ବୈଧତା ଏବଂ ଆର୍ଥିକ ସ୍ଥିତି ଆଧାରରେ ଜନସାଧାରଣଙ୍କ ନିଯୁକ୍ତି ପ୍ରସଙ୍ଗରେ ଆଜି ରାୟ ଶୁଣାଇଛନ୍ତି ସୁପ୍ରିମକୋର୍ଟ ।
ଚାକିରି ଓ ଶିକ୍ଷା କ୍ଷେତ୍ରରେ ୧୦ ପ୍ରତିଶତ ସଂରକ୍ଷଣ ଜାରି ରହିବ । ୫ ଜଣିଆ ବେଞ୍ଚରୁ ୪ଜଣ ବିଚାରପତଚିଙ୍କ ସମର୍ଥନ ମିଳିଛି । କେନ୍ଦ୍ରର ନିଷ୍ପତ୍ତି ଉପରେ ମୋହର ଲଗାଇଲେ ସୁପ୍ରିମକୋର୍ଟ । 2019ରେ ସଂରକ୍ଷଣ ଲାଗୁ କରିଥିଲେ କେନ୍ଦ୍ର ସରକାର । CJI ଉଦୟ ଉମେଶ ଲଲିତ କହିଛନ୍ତି ଯେ, "EWS କୋଟା ସଂରକ୍ଷଣକୁ ନେଇ ୫ଜଣ ବିଚାରପତି ଭିନ୍ନ ଭିନ୍ନ ମତ ଦେଇଥିଲେ । ଜଷ୍ଟିସ୍ ଦୀନେଶ ମହେଶ୍ୱରୀ EWS କୋଟା ପାଇଁ 103ତମ ସାମ୍ବିଧାନିକ ସଂଶୋଧନକୁ ସମର୍ଥନ କରିଛନ୍ତି ।" ସେ କହିଥିଲେ, "ଏହା ସମ୍ବିଧାନର ମୌଳିକ ଗଠନକୁ ଉଲଂଘନ କରୁନାହିଁ । ଜଷ୍ଟିସ ବେଲା ଏମ ତ୍ରିବେଦୀ ଏବଂ ଜେ ବି ପାରଦୀୱାଲା ମଧ୍ୟ ଚାକିରି ଏବଂ ଉଚ୍ଚଶିକ୍ଷା କ୍ଷେତ୍ରରେ ସଂରକ୍ଷଣକୁ ସମର୍ଥନ କରିଛନ୍ତି ।"