ନୂଆଦିଲ୍ଲୀ:ବଦଳି ହେବେ ହାଇକୋର୍ଟ ବିଚାରପତି । ବିଭିନ୍ନ ରାଜ୍ୟରେ ହାଇକୋର୍ଟ ବିଚାରପତିଙ୍କ ହେବ ବଦଳି । ଏନେଇ 17 ଜଣଙ୍କ ନାଁ ସୁପାରିଶ କରିଛନ୍ତି ସୁପ୍ରିମକୋର୍ଟ କଲେଜିୟମ । ଏହାସହିତ 5 ଜଣ ମୁଖ୍ୟ ବିଚାରପତିଙ୍କ ବଦଳି ପାଇଁ କଲେଜିୟମ ପକ୍ଷରୁ ନାଁ ସୁପାରିଶ କରାଯାଇଛି ।
ସୁପ୍ରିମକୋର୍ଟ ସୁପାରିଶ କରିଥିବା 17 ନାଁ ମଧ୍ୟରୁ 3 ଜଣ ବିଚାରପତି ଓଡିଶା ଆସିବେ ଓ ଜଣେ ଉତ୍ତରାଖଣ୍ଡ ହାଇକୋର୍ଟକୁ ବଦଳି ହେବେ । ପଞ୍ଜାବ ଏବଂ ହରିୟାଣାରୁ ଜଷ୍ଟିସ ଜଶୱନ୍ତ ସିଂହ ଓଡ଼ିଶା ହାଇକୋର୍ଟକୁ ବଦଳି ହେବେ । ସେହିପରି ଜଷ୍ଟିସ୍ ସୌମେନ ସେନ ଏବଂ ଜଷ୍ଟିସ ଅରିନ୍ଦମ ସିହ୍ନା କୋଲକାତାରୁ ଓଡ଼ିଶା ହାଇକୋର୍ଟକୁ ହେବେ ବଦଳି ।
ଅନ୍ୟପକ୍ଷେ ବିଚାରପତି ସଞ୍ଜୟ କୁମାର ମିଶ୍ର ଓଡିଶାରୁ ଉତ୍ତରାଖଣ୍ଡ ହାଇକୋର୍ଟକୁ ବଦଳି ହେବା ନେଇ ସୁପାରିଶ କରିଛନ୍ତି ସୁପ୍ରିମକୋର୍ଟ କଲେଜିୟମ ।