ଲଣ୍ଡନ:ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ବ୍ରିଟେନରେ ପ୍ରତିବର୍ଷ ପ୍ରଫେସନାଲ କାର୍ଯ୍ୟ ପାଇଁ ଆସୁଥିବା ଭାରତୀୟ ପ୍ରବାସୀଙ୍କ ପାଇଁ 3000 ଭିସାକୁ ସୀକୃତି ଦେଇଛନ୍ତି । ବ୍ରିଟିଶ ସରକାର କହିଛନ୍ତି ଭାରତ ଏହିପରି ଯୋଜନାରେ ଲାଭବାନ ହେବା ପ୍ରଥମ ଦେଶ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବାର କିଛି ଘଣ୍ଟା ପରେ ଭାରତୀୟଙ୍କ ପାଇଁ 3000 ଭିସାକୁ ସୀକୃତି ଦେଇଛନ୍ତି ବ୍ରିଟେନ ନବନିଯୁକ୍ତ ପ୍ରଧାନମନ୍ତ୍ରୀ ଋଷି ସୁନକ । ଇଣ୍ଡୋନେସିଆରେ ଆୟୋଜିତ 17ତମ ଜି-20 ସମ୍ମିଳନୀରେ ପ୍ରଥମ ଦିନରେ ଉଭୟଙ୍କ ମଧ୍ୟରେ ପ୍ରଥମ ଥର ଭେଟଘାଟ ହୋଇଥିଲା ।
ବ୍ରିଟେନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ ଟ୍ବିଟ କରି କୁହାଯାଉଛି,'' ଆଜି ୟୁକେ ଏବଂ ଭାରତ ଯୁବ ଫ୍ରଫେସନାଲ ଯୋଜନା (Young Professionals Scheme) ନିଶ୍ଚିନ୍ତ ହୋଇଛି । ଯେଉଁଥିରେ 18ରୁ 30 ବର୍ଷୀୟଙ୍କ ଡିଗ୍ରୀ ଶିକ୍ଷାଗତ ଭାରତୀୟ ନାଗରିକଙ୍କୁ ବ୍ରିଟେନ ଆସିବା ଏବଂ 2 ବର୍ଷ ଯାଏଁ ରହିବା ପାଇଁ 3 ହଜାର ଯୁବକଙ୍କୁ ଅବସର ପ୍ରଦାନ କରାଯିବ ।'' ବ୍ରିଟେନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଇଣ୍ଡୋନେସିଆରେ ଚାଲିଥିବା ଜି-20 ସମ୍ମିଳନୀରେ ଘୋଷଣା କରିଛନ୍ତି ଋଷି ସୁନକ । ଜି-20 ସମ୍ମିଳନୀରେ ପ୍ରଥମ ଦିନରେ ଋଷି ଓ ମୋଦିଙ୍କ ପ୍ରଥମ ଥର ସାକ୍ଷାତକାର ହୋଇଥିଲା । ଏହାର କିଛି ଘଣ୍ଟା ପରେ ଏହା ଘୋଷଣା କରିଛନ୍ତି ଋଷି ସୁନକ ।