ମୁମ୍ବାଇ: ଆକାଶରେ ଉଡୁଛି ପକ୍ଷୀ ସଦୃଶ ଡ୍ରୋନ । ମହାରାଷ୍ଟ୍ର ଅହମ୍ମଦନଗରର ଏକ ଇଞ୍ଜିନିୟରିଂ କଲେଜର ଛାତ୍ରମାନେ ନିଆରା ଡ୍ରୋନ ବିକଶିତ କରିଛନ୍ତି । ଯାହାକି ପକ୍ଷୀ ପରି ଦେଖାଯିବା ସହିତ ଭଲ ଉଡିଥାଏ | ଅନ୍ୟ ପକ୍ଷୀମାନଙ୍କ ଠୁ ଫସଲକୁ ସୁରକ୍ଷା ଦେବା ପାଇଁ ଏପରି ଡ୍ରୋନ ତିଆରି କରିଛନ୍ତି ଛାତ୍ର । ସେହିପରି ଶତ୍ରୁଙ୍କ ଉପରେ ନଜର ରଖିବାକୁ ମଧ୍ୟ ଭାରତୀୟ ସେନା ଏହି ଡ୍ରୋନର ବ୍ୟବହାର କରିପାରିବ |
ସାବଧାନ ଶତୃ ! ଡେଣା ମେଲାଇ ଉଡୁଛି ଚଢେଇ ଡ୍ରୋନ
ଛାତ୍ରମାନଙ୍କ ଦ୍ବାରା ନିର୍ମିତ ଏହି ଅନନ୍ୟ ଅର୍ନିଥୋଟର ଡ୍ରୋନ ଅଢେଇ କିଲୋମିଟର ଉଚ୍ଚତା ସହିତ ଅଢେଇ ବର୍ଗ କିଲୋମିଟର ପର୍ଯ୍ୟନ୍ତ ଉଡ଼ିବାରେ ସକ୍ଷମ ଅଟେ | ପ୍ଲାଷ୍ଟିକ କାଗଜ ଡେଣା ଖଞ୍ଜାଯାଇ ତିଆରି ହୋଇଥିବା ଏହି ଡ୍ରୋନର ଡେଣା, ଲାଞ୍ଜ ଏବଂ ପେଟର ଆକୃତି ହେତୁ ଏହି ଡ୍ରୋନ ଠିକ ପକ୍ଷୀ ପରି ଦେଖାଯାଏ | ଏହା ପକ୍ଷୀ ପରି ଡେଣା ସହିତ ଉଡ଼ୁଥିବାରୁ ଏହାକୁ ସହଜରେ ନୀରିକ୍ଷଣ ପାଇଁ ବ୍ୟବହାର କରାଯାଇପାରିବ | ଏହି ଡ୍ରୋନ ନିର୍ମାଣ ପାଇଁ ପ୍ରାୟ 6 ହଜାର ଟଙ୍କା ଖର୍ଚ୍ଚ କରିଛନ୍ତି ଛାତ୍ର ।