ରାଞ୍ଚି:ରାମ ନବମୀରେ ହିଂସାକାଣ୍ଡ ଭିଆଇଲେ ଦୁର୍ବୃତ୍ତ । ଗତକାଲି (ରବିବାର) ଝାଡ଼ଖଣ୍ଡର ହିରାହି ଓ ହେଣ୍ଡଲାସୋ ଗ୍ରାମରେ ରାମ ନବମୀ ଉତ୍ସବରେ କିଛି ଦୁର୍ବୃତ୍ତ ପଥର ଫିଙ୍ଗିବା ସହ ଅଗ୍ନିକାଣ୍ଡ ଘଟାଇଥିବା ଅଭିଯୋଗ ରହିଛି । ଘଟଣାରେ ଶତାଧିକ ଲୋକ ଆହତ ହୋଇଛନ୍ତି । ହିଂସାକାଣ୍ଡ ପରେ ସହରରେ ଉତ୍ତେଜନା ଦେଖିବାକୁ ମିଳିଛି ।
Violence During Ram Navami Fete: ଲୋକଙ୍କ ଉପରକୁ ପଥର ଫିଙ୍ଗିବା ସହ ନିଆଁ ଲଗାଇଲେ ଦୁର୍ବୃତ୍ତ
ରବିବାର ଦିନ ହିରାହି-ହେଣ୍ଡଲାସୋ ଗ୍ରାମରେ ରାମ ନବମୀ ଉତ୍ସବ ପାଳନ ହେଉଥିଲା । ଉତ୍ସବ ଶୋଭାଯାତ୍ରାରେ କିଛି ଦୁର୍ବୃତ୍ତ ଭିଡ଼ ଉପରକୁ ପଥର ଫିଙ୍ଗିବା ସହ ଅଗ୍ନିକାଣ୍ଡ ଘଟାଇଥିଲେ । ଏହାପରେ ଉଭୟ ପାର୍ଶ୍ବର ଲୋକେ ପଥର ଫିଙ୍ଗିବା ଆରମ୍ଭ କରିଥିଲେ। ଲୋକେ ଉତ୍ୟକ୍ତ ହୋଇ ଅନେକ ବାଇକ ଓ ପିକଭ୍ୟାନରେ ନିଆଁ ଲଗାଇ ଦେଇଥିଲେ। ଭୋଗଟା ବଗିଚା ନିକଟରେ ମଧ୍ୟ ଦୁଇଟି ଘରେ ନିଆଁ ଲାଗିଯାଇଛି । ଯାହା ଫଳରେ ଘଟଣାସ୍ଥଳରେ ଉତ୍ତେଜନା ବୃଦ୍ଧି ଘଟିଥିଲା ।