ଶ୍ରୀନଗର: ଜମ୍ମୁ-କାଶ୍ମୀରର କଟରାରେ ଥିବା ବୈଷ୍ଣୋଦେବୀ ମନ୍ଦିରରେ ଅଘଟଣ । ନବବର୍ଷର ପ୍ରଥମ ଦିନ(ଶନିବାର)ରେ ମାଆ ବୈଷ୍ଣୋଦେବୀଙ୍କ ଦର୍ଶନ ପାଇଁ ମନ୍ଦିରରେ ଦଳଚକଟା ସ୍ଥିତି ସୃଷ୍ଟି ହୋଇଛି । ଦଳଚକଟାରେ ୧୨ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଏଥିରେ ବହୁସଂଖ୍ୟକ ଲୋକେ ଗୁରୁତର ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ତେବେ ବର୍ତ୍ତମାନ ସମୟରେ ମୃତ ଏବଂ ଆହତଙ୍କ ସଂଖ୍ୟା ସ୍ପଷ୍ଟ ହୋଇନାହିଁ । ଆଗକୁ ମୃତ୍ୟୁସଂଖ୍ୟା ଆହୁରି ବଢିବ ବୋଲି ଆଶଙ୍କା କରାଯାଉଛି ।
ନୂଆବର୍ଷରେ ବୈଷ୍ଣୋଦେବୀ ମନ୍ଦିରରେ ଅଘଟଣ, ଦଳାଚକଟାରେ ୧୨ ମୃତ
ସୂଚନାଯୋଗ୍ୟ, ନୂଆବର୍ଷରେ ମାଆ ବୈଷ୍ଣୋଦେବୀଙ୍କ ଦର୍ଶନ ପାଇଁ ବିଭିନ୍ନ ରାଜ୍ୟରୁ ଲକ୍ଷ ଲକ୍ଷ ଶ୍ରଦ୍ଧାଳୁ କଟ୍ରାରେ ପହଞ୍ଚିଥିଲେ । ଆଜି ସକାଳୁ ଶ୍ରଦ୍ଧାଳୁମାନେ ଦର୍ଶନ ପାଇଁ ଯାଉଥିବା ସମୟରେ ଦଳଚକଟା ସ୍ଥିତି ଉପୁଜିଥିଲା ।