ନୂଆଦିଲ୍ଲୀ:ଦିଲ୍ଲୀ ବିମାନ ବନ୍ଦରରେ ଅଘଟଣ । ଉଡାଣ ଭରିବା ପାଇଁ ପ୍ରସ୍ତୁତ ହେଉଥିବା ବେଳେ ବିଦ୍ୟୁତ ପୋଲରେ ପିଟି ହେଲା ସ୍ପାଇସଜେଟ ବିମାନ । ସ୍ପାଇସଜେଟର ବୋଇଂ-737-800 ବିମାନ ଦିଲ୍ଲୀରୁ ଜମ୍ମୁ ଅଭିମୁଖେ ଉଡାଣ ଭରିବା ପାଇଁ ପ୍ରସ୍ତୁତ ହେଉଥିଲା ବେଳେ ଏହି ଅଘଟଣ ଘଟିଛି ।
ସୂଚନା ଅନୁସାରେ, ପାର୍କିଂ ଏରିଆରୁ ବିମାନକୁ ପୁସବ୍ୟାକ ଭେଇକିଲ ମାଧ୍ୟମରେ ଠେଲାଯିବା ବେଳେ ବିମାନର ଡାହାଣ ପାର୍ଶ୍ବ ଓ୍ବିଙ୍ଗ ଲାଇଟ ପୋଲରେ ଧକ୍କା ଖାଇଥିଲା । ତେବେ ଏଥିରେ କେବଳ ଓ୍ବିଙ୍ଗ ବ୍ୟତୀତ ବିମାନର କୌଣସି କ୍ଷତି ହୋଇଥିବା ସୂଚନା ମିଳିନାହିଁ । କେଉଁ କାରଣ ପାଇଁ ଏପରି ଘଟଣା ଘଟିଲା ତାକୁ ନେଇ ତଦନ୍ତ ନିର୍ଦ୍ଦେଶ ଦେଇଛି DGCA । ଏପଟେ ଲାଇଟ ପୋଲଟି ବଙ୍କା ହୋଇଯାଇଛି ।