ଧାନବାଦ: ମଣିଷ 2 ପ୍ରକାରର । ଜଣେ ଭିଡରେ ଚାଲିଥାଏ, ଆଉ ସେହି ଭିଡରେ ପରିଚୟ ହଜାଇଦେଇଥାଏ । ହେଲେ ଅନ୍ୟ ଜଣେ ଭିଡରୁ ଭିନ୍ନ ହୋଇ କିଛି ଏଭଳି ଖାସ କରି ଦେଖାଏ, ଯାହା ତାଙ୍କୁ ସାଧାରଣରୁ କରିଥାଏ ସ୍ବତନ୍ତ୍ର । ଏଭଳି ଭିଡ ଭିତରୁ ଭିନ୍ନ ହୋଇ ସମାଜ ପାଇଁ ସ୍ବତନ୍ତ୍ର ପାଲଟିଛନ୍ତି ଧାନବାଦର ସମ୍ରାଟ ଓ ରଜନୀଶ । ଏମାନେ ତିଆରି କରିଥିବା ଜୋତା ଓ ଚଷମା ଆଜି ଦୃଷ୍ଟିହୀନଙ୍କୁ ବତାଉଛି ନିର୍ଭୟରେ ଚାଲିବାର ବାଟ ।
କଣ ଏହି ଜୋତା ଓ ଚଷମା ? ଚାଲନ୍ତୁ ଜାଣିବା ଏହାର କାହାଣୀ... ଦିନେ ସମ୍ରାଟ ଓ ରଜନୀଶ ସ୍କୁଲରୁ ଘରକୁ ଯାଉଥିଲେ, ସେହି ସମୟରେ ତାଙ୍କ ଆଗକୁ ଜଣେ ବୟୋଜେଷ୍ଠ ବ୍ୟକ୍ତି ଆସି ରାସ୍ତାରେ ପଡିଯାଇଥିଲେ । ଆଉ ଏ ଦୁହେଁ ସେମାନଙ୍କୁ ତଳେ ପଡିବାର କାରଣ ପଚାରିଥିଲେ, ଉତ୍ତରରେ ବ୍ୟକ୍ତି ଜଣଙ୍କ କହିଥିଲେ ଯେ, ସେ ଦେଖିପାରନ୍ତି ନାହିଁ .. ଆଉ ଏହି କଥା ସମ୍ରାଟ ଓ ରଜନୀଶଙ୍କ ହୃଦୟକୁ ବିବ୍ରତ କରିଦେଇଥିଲା, ଯାହାର ପରିମାଣ ସ୍ବରୂପ ସେମାନେ ଦୃଷ୍ଟିହୀନଙ୍କ ପାଇଁ ନିର୍ମାଣ କରିଛନ୍ତି ଏହି ସ୍ପେଶାଲ ଜୋତା ଓ ଚଷମା ।
ଏହି ଜୋତା ଏବଂ ଚଷମା ସ୍ପେଶାଲ, କାରଣ ଏଥିରେ ଲାଗିଥିବା ସେନ୍ସର ଦୃଷ୍ଟିହୀନ ଦିବ୍ୟାଙ୍ଗଙ୍କୁ 3 ମିଟର ପୂର୍ବରୁ ଆଲର୍ଟ କରିଥାଏ କି.. ଆଗକୁ ବିପଦ ରହିଛି । ଏହା ସହଯୋଗରେ ସେମାନେ ବିନା ଦ୍ବନ୍ଦ୍ବରେ ଆରମରେ କୌଣସି ବି ସ୍ଥାନକୁ ଯାଇପାରିବେ ।