Mainpuri Lok Sabha Bypoll: ସୋମବାର ନାମାଙ୍କନ ଭରିବେ ଅଖିଳେଶଙ୍କ ପତ୍ନୀ ଡିମ୍ପଲ

ସୋମବାର ମୈନପୁର ଲୋକସଭା ଉପନିର୍ବାଚନ ପାଇଁ ନାମାଙ୍କନପତ୍ର ଦାଖଲ କରିବେ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଯାଦବ । ଅଧିକ ପଢନ୍ତୁ

ଲକ୍ଷ୍ନୌ: ପାଖେଇ ଆସୁଛି ମୈନପୁର ଲୋକସଭା ଉପନିର୍ବାଚନ(Mainpuri Lok Sabha By poll) ତାରିଖ । ଏହି ଆସନରେ ପ୍ରତିଦ୍ବନ୍ଦିତା କରୁଛନ୍ତି ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଯାଦବ । ଆସନ୍ତାକାଲି(ସୋମବାର) ନାମାଙ୍କନ ଭରିବେ ଡିମ୍ପଲ । ମୁଲାୟମ ସିଂ ଯାଦବ ମୈନପୁର ଲୋକସଭା ଆସନରୁ ସାଂସଦ ଥିବା ବେଳେ ଗତ ମାସରେ ତାଙ୍କର ମୃତ୍ୟୁ ହୋଇଥିଲା । ଏହି ଆସନ ଖାଲି ପଡିଥିବାରୁ ଉପନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଶ୍ବଶୁରଙ୍କ ମୃତ୍ୟୁ ପରେ ଏହି ଆସନରେ ପ୍ରତିଦ୍ବନ୍ଦିତା କରୁଛନ୍ତି ତାଙ୍କ ବୋହୂ ଡିମ୍ପଲ ।

ଡିମ୍ପଲ ନାମାଙ୍କନ ଦାଖଲ କରିବା ସମୟରେ ତାଙ୍କ ସ୍ବାମୀ ତଥା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଦଳର ବରିଷ୍ଠ ନେତା ରାମ ଗୋପାଳ, ଧର୍ମେନ୍ଦ୍ର ଯାଦବ ଓ ତେଜ ପ୍ରତାପ ଉପସ୍ଥିତ ରହିବେ । ନଭେମ୍ବର ୧୦ ତାରିଖ ଦିନ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଯାଦବ ଲୋକସଭା ଉପନିର୍ବାଚନ ଲଢିବା ନେଇ ଦଳ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଥିଲା ।

ତେବେ ଏହି ସଂସଦୀୟ କ୍ଷେତ୍ରକୁ ସମାଜବାଦୀ ପାର୍ଟିର ଏକ ପାରମ୍ପାରିକ ଗଡ ଭାବେ ମଧ୍ୟ ବିଚାର କରାଯାଏ । ତେବେ ଶ୍ବଶୁରଙ୍କ ଦେହାନ୍ତ ପରେ ଏହି ଆସନରୁ ବୋହୂ ଡିମ୍ପଲଙ୍କୁ ଦଳ ପକ୍ଷରୁ ଟିକେଟ ପ୍ରଦାନ କରାଯାଇଛି । ଏହି ଆସନରେ ଡିସେମ୍ବର ୫ରେ ଭୋଟ ଗ୍ରହଣ ହେବାକୁ ଥିବା ବେଳେ ୮ ତାରିଖରେ ଭୋଟ ଗଣତି ହେବ । ସେହିପରି ନାମାଙ୍କନ ଦାଖଲର ଶେଷ ତାରିଖ ନଭେମ୍ବର ୧୮ ରହିଛି ।