ନୂଆଦିଲ୍ଲୀ:ଆଣ୍ଡାମାନ ନିକୋବର ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ । ଆଜି (ସୋମବାର) ଦକ୍ଷିଣ ପଶ୍ଚିମ ବାୟୁ ଆଣ୍ଡାମାନ ନିକୋବର ଦ୍ବୀପପୁଞ୍ଜରେ ପ୍ରବେଶ କରିଥିବା ଭାରତୀୟ ପାଣିପାଗ ବିଭାଗ ସୂଚନା ଦେଇଛି । ଫଳରେ ସେଠାରେ ବର୍ଷା ଆରମ୍ଭ ହୋଇଛି ।
ବର୍ତ୍ତମାନ ପାଣିପାଗ ଅନୁକୂଳ ରହିିଛି । ଆଗାମୀ 2ରୁ 3 ଦିନ ମଧ୍ୟରେ ପୂର୍ବ-କେନ୍ଦ୍ରୀୟ ବଙ୍ଗୋପ ସାଗରୀୟ କ୍ଷେତ୍ରରେ ମୌସୁମୀ ବାୟୁ ସକ୍ରିୟ ହେବ । ସେହିପରି ମୌସୁମୀ ପ୍ରଭାବରେ ଦକ୍ଷିଣ ତାମିଲନାଡୁ ଉପକୂଳ ଓ ଲାକ୍ଷାଦ୍ବୀପ ଉପକୂଳ ଅଞ୍ଚଳରେ ଏକ ଘୂର୍ଣ୍ଣି ବଳୟ କ୍ଷେତ୍ର ମଧ୍ୟ ସୃଷ୍ଟି ହୋଇଛି । ଫଳରେ ସେଠାରେ ଆଗାମୀ ଦୁଇ ଦିନ ମଧ୍ୟରେ ବର୍ଷା ହେବା ନେଇ ମଧ୍ୟ ଆଶଙ୍କା ପ୍ରକାଶ ପାଇଛି । ସେହିପରି ମଧ୍ୟ କର୍ଣ୍ଣାଟକ ଓ କେରଳରେ ଆଗାମୀ 5ଦିନ ମଧ୍ୟରେ ମଧ୍ୟ ପ୍ରବଳ ବର୍ଷା ହେବା ନେଇ ଆକଳନ ପ୍ରକାଶ ପାଇଛି ।