ହାଇଦ୍ରାବାଦ:ଦକ୍ଷିଣ କୋରିଆ ମହିଳା ୟୁଟ୍ୟୁବରଙ୍କୁ ଲାଇଭ ଭିଡିଓରେ ଅସଦାଚରଣ । ମୁମ୍ବାଇରେ ଦକ୍ଷିଣ-କୋରିଆର ଜଣେ ମହିଳା ୟୁଟ୍ୟୁବରଙ୍କୁ ଲାଇଭ ଷ୍ଟ୍ରିମିଂରେ ଅସଦାଚରଣ ଘଟଣାରେ ଦୁଇ ଯୁବକଙ୍କୁ ଗିରଫ କରିଛି ପୋଲିସ । ମୁମ୍ବାଇର ଖାର ଏରିଆରେ ଏହି ମହିଳା ୟୁଟ୍ୟୁବର ଜଣଙ୍କ ଏକ ଲାଇଭ ଷ୍ଟ୍ରିମିଂରେ ଥିବା ବେଳେ ଏହି ଦୁଇ ଅଭିଯୁକ୍ତ ତାଙ୍କୁ ଅସଦାଚରଣ କରିଥିଲେ । ଯାହାର ଦୃଶ୍ୟ ସମ୍ପୃକ୍ତ ୟୁଟ୍ଯୁବରଙ୍କ କ୍ୟାମେରାରେ ରେକର୍ଡ ହେବା ସହ ଭାଇରାଲ ମଧ୍ୟ ହୋଇଥିଲା ।
ଏନେଇ କୌଣସି ଅଭିଯୋଗ ଥାନାରେ ପହଞ୍ଚି ନଥିବା ବେଳେ ବିଦେଶୀ ନାଗରିକଙ୍କୁ ଅସଦାଚରଣ କରିବା ଆକ୍ଟ ଅନୁସାରେ ପୋଲିସ ନିଜ ଆଡୁ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପରେ ପୋଲିସ ଦୁଇ ଅଭିଯୁକ୍ତଙ୍କୁ ଚିହ୍ନଟ କରି ବା ସହ ଗିରଫ କରିଛି । ଗିରଫ ଦୁଇ ଅଭିଯୁକ୍ତ 19 ବର୍ଷୀୟ ମୋବିନ ଚାନ୍ଦ ଶେଖ ଓ 20 ବର୍ଷୀୟ ମହମ୍ମଦ ନକବି ସାଦରିଆଲାମ ଅନସାରୀ ବୋଲି ପୋଲିସ କହିଛି । ଉଭୟଙ୍କୁ ଆଜି ଅପରାହ୍ନରେ କୋର୍ଟ ଫରଓ୍ବାର୍ଡ ମଧ୍ୟ କରାଯାଇଛି ।