କୋଲକାତା: ପଞ୍ଚଭୂତରେ ବିଲୀନ ହେଲେ ବିଶିଷ୍ଟ ବଙ୍ଗୀୟ ଅଭିନେତା ସୌମିତ୍ର ଚାଟାର୍ଜୀ । କୋଲକାତାର କିଅରୋତାଲା ଶ୍ମଶାନରେ ଅନ୍ତିମ ସଂସ୍କାର କରାଯାଇଛି । ତାଙ୍କୁ ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟଦା ସହ ଅନ୍ତିମ ସଂସ୍କାର କରାଯାଇଛି । ସାମିଲ ହେଲେ ମୁଖ୍ୟମନ୍ତ୍ରୀ ସମେତ ବଙ୍ଗୀୟ ସିନେ ଜଗତର କଳାକାର ଓ ପ୍ରଶଂସକ ।
ପଞ୍ଚତତ୍ତ୍ବରେ ବିଲୀନ ହେଲେ ଅଭିନେତା ସୌମିତ୍ର ଚାଟାର୍ଜୀ,ରାଷ୍ଟ୍ରୀୟ ମର୍ଯ୍ୟଦା ସହ ଦିଆଗଲା ବିଦାୟ
ସୌମିତ୍ର ଚାଟାର୍ଜୀ ଶେଷ ଯାତ୍ରା କଲକାତାର ରବୀନ୍ଦ୍ର ସଦନରୁ ଏକ ଶୋଭାଯାତ୍ରାରେ ବାହାରି କିଅରୋତାଲା ଶ୍ମଶାନରେ ପହଞ୍ଚିଥିଲା । ଶେଷ ଯାତ୍ରାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ସାମିଲ ହୋଇଥିଲେ । ଏଥିରେ ବଙ୍ଗୀୟ ସିନେଜଗତର ବହୁ ବିଶିଷ୍ଟ କଳାକାର ସହ ହଜାର ହଜାର ପ୍ରଂଶସକ ସାମିଲ ହୋଇଥିଲେ । ବିଶିଷ୍ଟ ଅଭିନେତା ସୌମିତ୍ର ଚାଟାର୍ଜୀଙ୍କ ରବିବାର ଅପରାହ୍ନରେ ପରଲୋକ ହୋଇଥିଲା । ମୃତ୍ୟୁବେଳକୁ ତାଙ୍କୁ 85 ବର୍ଷ ହୋଇଥିଲା । କୋରୋନାରେ ଆକ୍ରାନ୍ତ ହୋଇ ସେ କୋଲକାତାର ବେଲେ ଭୁ କ୍ଲିନିକରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ ।