ନୂଆଦିଲ୍ଲୀ:ଦେଶର 4 ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଘୋଷଣା ହୋଇ ସାରିଛି ବିଧାନସଭା ନିର୍ବାଚନ ଫଳାଫଳ । ଏହି ନିର୍ବାଚନରେ ନିଜର ଅସ୍ତିତ୍ବ ବଞ୍ଚାଇବାରେ ବିଫଳ ହୋଇଛି କଂଗ୍ରେସ । ନିର୍ବାଚନରେ ଦଳର ଶୋଚନୀୟ ପରାଜୟକୁ ନୈରାଶ୍ୟଜନକ ଆଖ୍ୟା ଦେଇ ଏଥରୁ ଶିକ୍ଷା ନେବାର ଆବଶ୍ୟକତା ଥିବା କହିଛନ୍ତି କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ ।
ମହାମାରୀ କୋରୋନାର ସ୍ଥିତି ଉପରେ ଚର୍ଚ୍ଚା କରିବାକୁ ଡକାଯାଇଥିବା ଦଳୀୟ ସାଂସଦଙ୍କ ଡିଜିଟାଲ ବୈଠକରେ ସୋନିଆ ଗାନ୍ଧୀ କହିଛନ୍ତି, ଖୁବ ଶିଘ୍ର କଂଗ୍ରେସ କାର୍ଯ୍ୟକାରିଣୀ(CWC) ବୈଠକ ହେବ । ଏଥିରେ ଆସାମ, କେରଳ, ପଶ୍ଚିମବଙ୍ଗ, ତାମିଲନାଡୁ ଓ ପୁଡୁଚେରୀ ନିର୍ବାଚନ ଫଳାଫଳର ସମୀକ୍ଷା କରାଯିବ ।