ପାନାଜୀ: ଟିକଟକ ଅଭିନେତ୍ରୀ ତଥା ଭାରତୀୟ ଜନତା ପାର୍ଟି (BJP) ନେତ୍ରୀ ସୋନାଲି ଫୋଗାଟଙ୍କ ହତ୍ୟା ମାମଲାରେ (Sonali Phogat death case) ଗିରଫ ଦୁଇ ମୁଖ୍ୟ ଅଭିଯୁକ୍ତଙ୍କୁ ୧୦ ଦିନିଆ ପୋଲିସ ରିମାଣ୍ଡରେ ପଠାଯାଇଛି । ଆଜି ଉଭୟ ଅଭିଯୁକ୍ତ ସୁଖବିନ୍ଦର ସିଂ ଓ ସୁଧିର ସଙ୍ଗଓ୍ବାନାଙ୍କୁ କୋର୍ଟରେ ହାଜର କରାଯାଇଥିବାବେଳେ, ସେମାନଙ୍କୁ ଅଧିକ ଜେରା ପାଇଁ ୧୦ ଦିନ ପୋଲିସ ରିମାଣ୍ଡରେ ପଠାଯାଇଛି । ବର୍ତ୍ତମାନ ସୁଦ୍ଧା ଏହି ହତ୍ୟା ମାମଲାରେ ମୋଟ ୪ଜଣଙ୍କୁ ଗିରଫ କରିସାରିଛି ଗୋଆ ପୋଲିସ ।
ଆଜି ରିମାଣ୍ଡରେ ଯାଇଥିବା ଦୁଇ ଅଭିଯୁକ୍ତଙ୍କ ମଧ୍ୟରେ ସୋନାଲି ଫୋଗଟଙ୍କ ବ୍ୟକ୍ତିଗତ ସହାୟକ (PA) ସୁଧୀର ସାଙ୍ଗୱାନ୍ ଏବଂ ତାଙ୍କ ସହଯୋଗୀ ସୁଖବିନ୍ଦର ସିଂ ରହିଛନ୍ତି । ଉଭୟଙ୍କୁ ଗତ ଶୁକ୍ରବାର ଗୋଆ ପୋଲିସ ଗିରଫ କରିଥିଲା । ଅଗଷ୍ଟ ୨୨ରେ ସୋନାଲିଙ୍କ ସହ ଗୋଆ ଦୁହେଁ ଯାତ୍ରା କରିଥିବା ଜଣାପଡିବା ପରେ, ପୋଲିସ ସେମାନଙ୍କୁ ଅଟକ ରଖି ଜେରା କରିଥିଲା । ସେମାନେ କିଛି ନିଶା ମିଶ୍ରିତ ପାନୀୟ ସୋନାଲିଙ୍କୁ ପିଆଇଥିବା ମଧ୍ୟ ଅଭିଯୋଗ ହୋଇଛି ।