ଉତ୍ତରାଖଣ୍ଡ: ଉତ୍ତରାଖଣ୍ଡର ହରିଦ୍ବାର ହର କି ପୌରି ଘାଟରେ ପ୍ରସିଦ୍ଧ କୁମ୍ଭମେଳା ଆରମ୍ଭ ହୋଇଛି । ଏଠାରେ ଦ୍ବିତୀୟ ଶାହି ସ୍ନାନ ପାଇଁ ବହୁ ଭକ୍ତମାନେ ଏକାଠି ହୋଇ ବୁଡ଼ ପକାଉଥିବା ଦେଖିବାକୁ ମିଳିଛି । କୋଭିଡ଼ କଟକଣା ମଧ୍ୟରେ କୁମ୍ଭମେଳା ଅନୁଷ୍ଠିତ ହେଉଥିଲେ ମଧ୍ୟ ଏଠାରେ ସାମାଜିକ ଦୂରତା ଅବଲମ୍ବନ କରିବା ଏକ କଷ୍ଟକର ବ୍ୟାପାର ବୋଲି କୁମ୍ଭମେଳା ଆଇଜି ସଞ୍ଜୟ ଗୁଞ୍ଜ୍ୟଲ କହିଛନ୍ତି ।
'ହର କି ପୌରି ଘାଟରେ ସାମାଜିକ ଦୂରତା ବଜାୟ ରଖିବା କଷ୍ଟକର'
କୁମ୍ଭମେଳା ପାଇଁ ଅଧିକାଂଶ ସଂଖ୍ୟାରେ ଭକ୍ତ ଏକଜୁଟ ହୋଇଥିବାରୁ ବାସ୍ତବରେ ପରସ୍ପର ମଧ୍ୟରେ ସାମାଜିକ ଦୂରତା ବଜାୟ ରଖିବା ସମ୍ଭବପର ହେଉନାହିଁ ବୋଲି ଆଇଜି କହିଛନ୍ତି । ଏହା ସତ୍ତ୍ବେ ସାମାଜିକ ଦୂରତା ବଜାୟ ରଖିବା ପାଇଁ ଭକ୍ତମାନଙ୍କୁ ବାଧ୍ୟ କଲେ ଏକ ଭାଗଦୌଡ଼ ଭଳି ପରିସ୍ଥିତି ଉପୁଜିବ ବୋଲି ଗୁଞ୍ଜ୍ୟଲ କହିଛନ୍ତି । ଏଥିଲାଗି ଲୋକମାନଙ୍କୁ ଏହି ନିୟମ ମାନିବା ପାଇଁ ବାଧ୍ୟ କରାନଯାଇ କେବଳ ସତର୍କ କରାଯାଉଛି ବୋଲି ସେ କହିଛନ୍ତି ।