ଶ୍ରୀନଗର: ତାଜମହଲ ବୁଲି ଯିବାକୁ କାହାକୁ ବା ଭଲ ନ ଲାଗେ । ଉତ୍ତରପ୍ରଦେଶ ଆଗ୍ରାରେ ନିର୍ମିତ ଇଟା ପଥରର ତାଜମହଲ ତ ସମସ୍ତେ ଦେଖିଥିବେ ହେଲେ ତୁଷାରରେ ନିର୍ମିତ ତାଜମହଲ କଥା ଜାଣିଛନ୍ତି କି ? ନିକଟରେ ଜମ୍ମୁ କାଶ୍ମୀରରେ ଇଗଲୁ କାଫେ ନିର୍ମାଣ ପରେ ଗୁଲମାର୍ଗରେ ତୁଷାରରେ ନିର୍ମିତ ହୋଇଛି ଅବିକଳ ତାଜମହଲର ରୂପ । ଯାହା ପର୍ଯ୍ୟଟକଙ୍କୁ ଆକୃଷ୍ଟ କରଛି । ତୁଷାରପାତରେ ନିର୍ମିତ ତାଜମହଲ ଆଗରେ ଛିଡା ହୋଇ ଫଟୋଟିଏ ଉଠାଇବାକୁ ପର୍ଯ୍ୟଟକଙ୍କ ଭିଡ ଲାଗୁଛି ।
ତୁଷାରପାତକୁ ଭଲ ପାଉଥିବା ପର୍ଯ୍ୟଟକମାନଙ୍କ ପାଇଁ ଗୁଲମାର୍ଗ ବହୁତ ଭଲ ପର୍ଯ୍ୟଟନସ୍ଥଳୀ । ଆଉ ପର୍ଯ୍ୟଟକଙ୍କୁ ବାନ୍ଧି ରଖିବାକୁ ଏହି ସ୍ଥାନରେ କିଛି ନୂଆ କରିବାକୁ ସବୁବେଳେ ଚେଷ୍ଟା କରାଯାଏ । ସେମିତି ଏକ ଚେଷ୍ଟାର ପରିଣାମ ପ୍ରତିଫଳିତ ହୋଇଛି ଏହି ତୁଷାରପାତ ଭିତରେ ବରଫରେ ନିର୍ମିତ ତାଜମହଲ । ଏହାକୁ ତିଆରି କରିବା ପାଇଁ ୧୭ ଦିନ ସମୟ ଲାଗିଥିଲା । 16 ଫୁଟ ଉଚ୍ଚତା ସହିତ ଏହା 576 ଫୁଟର ତୁଷାର ଆଚ୍ଛାଦିତ ହୋଇଛି । ବିନା ଖର୍ଚ୍ଚରେ ଏହା ତିଆରି ହୋଇଛି । ପର୍ଯ୍ୟଟକମାନେ ଏହାକୁ ପସନ୍ଦ କରୁଛନ୍ତି ।