ମୁମ୍ବାଇ:ମହାରାଷ୍ଟ୍ରର ଏକ ୱାର୍ଦ୍ଧା ଜିଲ୍ଲାରେ ଦେଖିବାକୁ ମିଳିଛି ଏକ ଭୟାନକ ଦୃଶ୍ୟ । ଜଣେ ୭ ବର୍ଷର ନାବାଳିକା ବେକରେ ଗୁଡାଇ ହୋଇଛି ନାଗସାପ । ପ୍ରାୟ ଦୁଇ ଘଣ୍ଟାକାଳ ସାପଟି ନାବାଳିକାର ବେକରେ ସେମିତି ଗୁଡ଼ାଇ ହୋଇ ରହିଥିଲା । ଝିଅଟି ଶୋଇଥିବା ଅବସ୍ଥାରେ ସାପଟି ତା ବେକରେ ଗୁଡ଼ାଇ ହୋଇଥିଲା । ଏହା ଦେଖିବା ପରେ ନାବାଳିକାର ବାପା ମା' ସଙ୍ଗେସଙ୍ଗେ ଜଣେ ସାପ ଧରାଳିଙ୍କୁ ସୂଚନା ଦେଇଥିଲେ ।
ତେବେ ଦୁଇ ଘଣ୍ଟା ଧରି ସାପଟି ଦିବ୍ୟାନି ପଦ୍ମାକରଙ୍କ ବେକରେ ଗୁଡ଼ାଇ ହୋଇ ରହିଥିବା ବେଳେ ତା ବାପା ମା' ତାକୁ ନଡରିବା ପାଇଁ ସାହାସ ଦେଉଥିବା ଭିଡିଓରେ ଦେଖା ଯାଉଛି । ଝିଅଟିକୁ ବାରମ୍ବାର ସ୍ଥିର ରହିବାକୁ କହୁଛନ୍ତି ବାପାମା' । "ଝିଅ ଜମାରୁ ହଲଚଲ ହବୁନି । ସେମିତି ରହ, ଡରିବୁନି, କିଛି ହେବନି । ତୁ ବାସ୍ ହଲଚଲ ହବୁନି ।" ଏଭଳି ଅନେକ କଥା କହି ଡରି ରହିଥିବା ଝିଅଟିକୁ ବାପା ମା' ବୁଝାଉଛନ୍ତି ।
ଭୟଭୀତ ହୋଇରହିଥିବା ଝିଅକୁ କେତେ ବା ବାପା ମାଆ ଆଉ ବୁଝାଇଥାନ୍ତେ । ପ୍ରାୟ ଦୁଇ ଘଣ୍ଟାକାଳ ଝିଅଟି ସେମିତି ତା ଶେଯରେ ବିନା ହଲଚଲ ହୋଇ ପଡ଼ି ରହିଥାଏ । ଶେଷରେ ଧୈର୍ଯ୍ୟ ହରାଇ ବସିଥିଲା କମୋଳମତି ୭ ବର୍ଷ ଝିଅ ଦିବ୍ୟାନି ।