ପଶ୍ଚିମବଙ୍ଗରେ ବୋମା ବିସ୍ଫୋରଣ, 6 ବିଜେପି କର୍ମୀ ଗୁରୁତର ଆହତ

ପଶ୍ଚିମବଙ୍ଗରେ ବୋମା ବିସ୍ଫୋରଣ । 6 ବିଜେପି କର୍ମୀ ଆହତ । ଅଧିକ ପଢନ୍ତୁ...

କୋଲକାତା: ପଶ୍ଚିମବଙ୍ଗର ଦକ୍ଷିଣ 24 ପ୍ରଗଣା ଜିଲ୍ଲାରେ ବୋମା ବିସ୍ଫୋରଣ ଘଟିଛି । ଏଥିରେ 6 ଜଣ ବିଜେପି କର୍ମୀ ଗୁରୁତର ଆହତ ହୋଇଛନ୍ତି । ଏମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ସଙ୍କଟାପର୍ଣ୍ଣ ରହିଛି ।

ପଶ୍ଚିମବଙ୍ଗ ନିର୍ବାଚନକୁ ଆଉ ମାତ୍ର ଦିନ କେଇଟା ବାକି ଥିବାବେଳେ ଗୋସାବାର ବାଦାମଲତା ଅଞ୍ଚଳରେ ବୋମା ବିସ୍ଫୋରଣ ହୋଇଛି । ଏହାକୁ ନେଇ ରାଜନୀତି ଜୋର ଧରିଛି । ବିସ୍ଫୋରଣରେ ବିଜେପି କର୍ମୀମାନେ ଆହତ ହୋଇଥିବାବେଳେ ଏଥିରେ ଟିଏମସିର କୌଣସି ହାତ ନଥିବା ସ୍ଥାନୀୟ ଟିଏମସି ନେତା କହିଛନ୍ତି ।

ସେପଟେ ପ୍ରାଥମିକ ତଦନ୍ତରୁ ବୋମା ଲଗାଇବା ସମୟରେ ଏପରି ଘଟିଥିବା ପୋଲିସ କହିଛି । ସୂଚନାଥାଉକି, ପଶ୍ଚିମବଙ୍ଗରେ ମାର୍ଚ୍ଚ 27 ତାରିଖରୁ ନିର୍ବାଚନ ହେବାକୁ ଯାଉଛି । ଆଠଟି ପର୍ଯ୍ୟାୟରେ ଏଠାରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।