ହାଇଦ୍ରବାଦ:ବହୁଚର୍ଚ୍ଚତ ଦିଲ୍ଲୀ ଶ୍ରଦ୍ଧା ହତ୍ୟାକାଣ୍ଡ ମାମଲାରେ ଶେଷ ହେଲା ଅଭିଯୁକ୍ତ ଅଫତାବ ପୁନାଓ୍ବାଲାର ନାର୍କୋ ଟେଷ୍ଟ । ଏହି ଟେଷ୍ଟ କରାଇଥିବା ଫୋରେନସିକ ଟିମର ସୂଚନା ଅନୁସାରେ ଏହି ଟେଷ୍ଟ ସଫଳତାର ସହ ଶେଷ ହୋଇଛି (Aaftabs narco test concludes)। ଟେଷ୍ଟରେ ମିଳିଥିବା ଏକାଧିକ ତଥ୍ୟ ପୋଲିସର ତଦନ୍ତକାରୀ ଟିମକୁ ପ୍ରଦାନ କରାଯିବ ।
ଆଜି ପ୍ରାୟ ସକାଳ 8.30 ରେ ଅଭିଯୁକ୍ତ ଅଫତାବକୁ ଆମ୍ବେଦକର ହସ୍ପିଟାଲକୁ ନିଆଯାଇଥିଲା । ସେଠାରେ ପୂର୍ବରୁ ପରୀକ୍ଷା ସମ୍ପର୍କିତ ସମସ୍ତ ବ୍ୟବସ୍ଥା କରାଯାଇ ସାରିଥିଲା । ଦିଲ୍ଲୀ ପୋଲିସର ଅଧିକାରୀ ଓ ଫୋରନସିକ ବିଶେଷଜ୍ଞମାନେ ଉପସ୍ଥିତ ଥିଲେ । ପୂର୍ବାହ୍ନ ପ୍ରାୟ 10 ରେ ନାର୍କୋ ଟେଷ୍ଟର ପ୍ରକ୍ରିୟା ଆରମ୍ଭ ହୋଇଥିଲା । ପ୍ରାୟ ଅଢେଇ ଘଣ୍ଟା ଧରି ପରୀକ୍ଷା ଚାଲିିଥିବା ବେଳେ ଏହା 12.30 ରେ ଶେଷ ହୋଇଥିଲା (Aaftabs narco test concludes)। ପରେ ତାର ପୁନଃ ସ୍ବାସ୍ଥ୍ୟ ପରୀକ୍ଷା କରାଇବା ପରେ ଜେଲକୁ ପଠାଯାଇଛି ।