ମୁମ୍ବାଇ: କିଛି ଦିନ ହେବ କଂଗ୍ରେସ ଓ ଶିବସେନା ମଧ୍ୟରେ ବାକଯୁଦ୍ଧ ଲାଗିରହିଛି । ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆତ୍ମ ନିର୍ଭରଶୀଳତାର ସ୍ଲୋଗାନ ଦେବାପରେ ଏହି ଯୁଦ୍ଧ ବର୍ତ୍ତମାନ ଏକ ନୂଆ ମୋଡ ନେଇଛି । କଂଗ୍ରେସ ନାଁ ନ ନେଇ ଉଦ୍ଧବ ଠାକରେ କହିଛନ୍ତି, ମହାମାରୀ ସମୟରେ ରାଜନୈତିକ ପଦକ୍ଷେପ ଲୋକମାନଙ୍କ ଦ୍ବାରା ଅନୁମୋଦିତ ହେବ ନାହିଁ ।
ଆଗାମୀ ବିଧାନସଭା ନିର୍ବାଚନରେ କଂଗ୍ରେସର ଏକାକୀ ଲଢିବା ନିଷ୍ପତ୍ତିରେ ପ୍ରତିକ୍ରିୟା ଦେଇ ଉଦ୍ଧବ ଠାକରେ କହିଛନ୍ତି, ଆମେ କାହା ପାଲିଙ୍କି ଉଠାଇବୁନାହିଁ । ଆମେ ଚିରା ଜୋତା ପିନ୍ଧିବୁ ପଛେ ନିଜ ଗୋଡରେ ଛିଡା ହେବୁ ବୋଲି ଶିବସେନାଙ୍କ କ୍ଷମତାର ବାର୍ଷିକୀ କାର୍ଯ୍ୟକ୍ରମରେ ମନ୍ତବ୍ୟ ଦେଇଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ସେ ଆହୁରି କହିଛନ୍ତି ଶିବସେନା କେବଳ ନ୍ୟାୟ ପାଇବା ପାଇଁ ଜନ୍ମ ବୋଲି କହିଛନ୍ତି ଠାକରେ ।