ମୁମ୍ବାଇ: ନବରାତ୍ରି ଅବସରରେ ପୁନେରେ ଆୟୋଜିତ ହେବାର ଥିଲା ସେକ୍ସ ତନ୍ତ୍ର କ୍ୟାମ୍ପ୍ (Sex Tantra camp cancelled in Pune )। ସତ୍ୟମ ଶିବମ ସୁନ୍ଦରମ ଫାଉଣ୍ଡେସନ ପକ୍ଷରୁ ଏହି କ୍ୟାମ୍ପ ଆୟୋଜିତ ହେବା ନେଇ ଘୋଷଣା ହୋଇଛି । ତେବେ ଏହାକୁ ନେଇ ମହାରାଷ୍ଟ୍ର ନବ ନିର୍ମାଣ ସେନା ଓ ଶିବସେନା ପକ୍ଷରୁ ଘୋର ବିରାଧ କରାଯାଇଛି । ଏହାପରେ ଏହି କ୍ୟାମ୍ପ ବାତିଲ ହୋଇଛି ।
ଅକ୍ଟୋବର ୧ତାରିଖରୁ 3 ତାରିଖ ପର୍ଯ୍ୟନ୍ତ ଏହି କ୍ୟାମ୍ପ ଆୟୋଜିତ ହେବାକୁ ଥିଲା । ଏଥିପାଇଁ ଅନ୍ଲାଇନ୍ ବୁକିଂ ମଧ୍ୟ ଆରମ୍ଭ ହୋଇଥିଲା । ଏହି କ୍ୟାମ୍ପ୍ରେ ଭାଗ ନେବାକୁ ଏକ ବିଜ୍ଞପ୍ତି ମଧ୍ୟ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଥିଲେ । ବିରୋଧର ସ୍ବର ଉଠିବା ପରେ ପୁନେରେ ଏଭଳି କୌଣସି କ୍ୟାମ୍ପ ଆୟୋଜନ ହେବନି ବୋଲି ସ୍ପଷ୍ଟୋକ୍ତି ଦେଇଛନ୍ତି ଥାନା ଅଧିକାରୀ ବିଜୟ କୁମ୍ଭାର ।
ନବରାତ୍ରି ଅବସରରେ ଆୟୋଜିତ ହେବାକୁ ଥିବା ସେକ୍ସ ତନ୍ତ୍ର କ୍ୟାମ୍ପ୍କୁ ମହାରାଷ୍ଟ୍ର ନବ ନିର୍ମାଣ ସେନା ଓ ଶିବସେନା ଅନ୍ୟ ହିନ୍ଦୁ ସଂଗଠନ ମଧ୍ୟ ବିରୋଧ କରିଥିଲେ । ପୁନେ ଭଳି ସାଂସ୍କୃତିକ ରାଜଧାନୀରେ ଏଭଳି କୌଣସି କ୍ୟାମ୍ପ ଆୟୋଜନ କରାଇ ଦେବୁନାହିଁ ବୋଲି କହିଥିଲେ ବିରୋଧ କରୁଥିବା ସଂଗଠନ । ଏହାପରେ ପ୍ରଶାସନକୁ ବାଧ୍ୟ ହୋଇ ଏଭଳି ଏକ କାର୍ଯ୍ୟକ୍ରମକୁ ବାତିଲ କରିବାକୁ ପଡ଼ିଛି ।
ଏହାକୁ ନେଇ ପୁନେ ପୋଲିସ ପକ୍ଷରୁ କୁହାଯାଇଛି ଯେ, "ଆମେ ପ୍ରଥମେ ଏଭଳି କ୍ୟାମ୍ପ୍ ଆୟୋଜନ କରୁଥିବା ସଂଗଠନ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲୁ । ତେବେ ଏହା ମହାରାଷ୍ଟ୍ରରେ ପଞ୍ଜିକୃତ ହୋଇନଥିବା ଜଣା ପଡ଼ିଥିଲା । ସଂଗଠନର ମୁଖ୍ୟ କହିଥିଲେ । ଏହାଏକ ମେଡିସିନ୍ ଆଧାରିତ କ୍ୟାମ୍ପ୍ ହେବ । କିନ୍ତୁ ଏଭଳି କୌଣସି କ୍ୟାମ୍ପ ଏବେ ପୁନେରେ ହେବନାହିଁ ।"
ଏହି ସେକ୍ସ ତନ୍ତ୍ର କ୍ୟାମ୍ପ ପାଇଁ ୧୫ ହଜାର ଟଙ୍କା ଫିସ୍ ରଖାଯାଇଥିଲା । କାମସୂତ୍ର ଆଧାରରେ ଏଥିରେ ଧ୍ୟାନ କରିବାକୁ ଶିକ୍ଷା ଦିଆଯିବାକୁ କାର୍ଯ୍ୟକ୍ରମ ରହିଥିଲା । ଠିକ୍ ଏହି ସମୟରେ ପୁନେର ନବରାତ୍ରି ଯୋଗୁଁ ଅନେକ ସାଂସ୍କୃତିକ କାର୍ଯ୍ୟକ୍ରମ ହେବ । ପୂଜାପାଠ ସହ ଦାଣ୍ଡିଆ ଖେଳିବେ ଶ୍ରଦ୍ଧାଳୁ । ଏଭଳି ଏକ ସମୟରେ ସେକ୍ସ ତନ୍ତ୍ର କ୍ୟାମ୍ପ୍କୁ ପ୍ରସୟ ଦିଆଯିବ ନାହିଁ ବୋଲି ବିରୋଧ ହୋଇଥିଲା ।
