ବେଙ୍ଗାଲୁରୁ:କଂଗ୍ରେସର ଭାରତ ଯୋଡ଼ ଯାତ୍ରାରେ ଅଘଟଣ । ରାହୁଲ ଗାନ୍ଧୀଙ୍କ ନେତୃତ୍ବରେ ଯାତ୍ରା ଜାରି ରହିଥିବାବେଳେ, କର୍ଣ୍ଣାଟକର ବେଲାରୀରେ ବିଦ୍ୟୁତ ସଂସ୍ପର୍ଷରେ ଆସି 4 ଜଣ ଦଳୀୟ ସମର୍ଥକ ଆହତ ହୋଇଛନ୍ତି (Accident Bharat Jodo Yatra)। ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସମସ୍ତଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ମଧ୍ୟ ସୂଚନା ମିଳିଛି । ଦଳର ବରିଷ୍ଠ ଓ ସ୍ଥାନୀୟ କଂଗ୍ରେସ ନେତା ହସ୍ପିଟାଲରେ ପହଞ୍ଚି ସେମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିବାବେଳେ ଯାତ୍ରାର ନେତୃତ୍ବ ନେଉଥିବା ରାହୁଲ ଗାନ୍ଧୀ ମଧ୍ୟ ଆହତଙ୍କୁ ହସ୍ପିଟାଲରେ ଭେଟିଛନ୍ତି ।
Bharat Jodo Yatra: ବିଦ୍ୟୁତ ଆଘାତରେ 4 ଆହତ, ହସ୍ପିଟାଲରେ ଭେଟିଲେ ରାହୁଲ - ଆହତଙ୍କୁ ଭେଟିଲେ ରାହୁଲ ଗାନ୍ଧୀ
କର୍ଣ୍ଣାଟକର ବେଲାରୀରେ ଭାରତ ଯୋଡୋ ଯାତ୍ରା ବେଳେ ଅଘଟଣ । ବିଦ୍ୟୁତ ଆଘାତରେ ଆସି 4 କଂଗ୍ରେସ କର୍ମୀ ଆହତ । ହସ୍ପିଟାଲରେ ଭେଟିଲେ ରାହୁଲ ଗାନ୍ଧୀ । ଚିକିତ୍ସା ପାଇଁ ଦଳ ଘୋଷଣା କଲା ଲକ୍ଷେ ଟଙ୍କା ଲେଖାଁଏ ସହାୟତା । ଅଧିକ ପଢନ୍ତୁ
ଭାରତ ଯୋଡୋ ଯାତ୍ରାରେ ବିଦ୍ୟୁତ ଆଘାତରେ 4 ଆହତ, ହସ୍ପିଟାଲରେ ଭେଟିଲେ ରାହୁଲ, ଦଳ ଘୋଷଣା କଲା ଲକ୍ଷେ ଲେଖାଁଏ ସହାୟତା
ପ୍ରତ୍ୟେକ ଆହତଙ୍କ ଚିକିତ୍ସା ପାଇଁ ଦଳ ପକ୍ଷରୁ ଏକ ଲକ୍ଷ ଟଙ୍କା ଲେଖାଁଏ ପ୍ରଦାନ କରାଯିବା ନେଇ ଦଳର ବରିଷ୍ଠ ମୁଖପାତ୍ର ରଣଦ୍ବୀପ ସୂର୍ଜେଓ୍ବାଲା ସୂଚନା ଦେଇଛନ୍ତି ।
ସୂଚନା ଅନୁସାରେ, ଆଜି (ରବିବାର) ସକାଳେ କର୍ଣ୍ଣାଟକର ବେଲାରୀରେ ଜାରି ରହିଥିବା ଏହି ଯାତ୍ରାରେ ସାମିଲ ଥିବା 4 ଦଳୀୟ କର୍ମୀ କୌଣସି କାରଣରୁ ବିଦ୍ୟୁତ ସଂସ୍ପର୍ଷରେ ଆସି ଆହତ ହୋଇଥିଲେ । ପରେ ସମସ୍ତଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ପ୍ରଥମେ ଦଳର ସ୍ଥାନୀୟ ନେତୃତ୍ବ ହସ୍ପିଟାଲରେ ପହଞ୍ଚି ସେମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ । ପରେ ଯାତ୍ରାର ନେତୃତ୍ବ ନେଉଥିବା ରାହୁଲ ଗାନ୍ଧୀ ମଧ୍ୟ ଆହତଙ୍କୁ ଭେଟିବାକୁ ହସ୍ପିଟାଲରେ ପହଞ୍ଚିଥିଲେ । ଦଳ ପକ୍ଷରୁ ଏକ ଲକ୍ଷ ଟଙ୍କା ଲେଖାଁଏ ସହାୟତା ରାଶି ଘୋଷଣା କରାଯାଇଥିବା ସୂଚନା ମିଳିଛି ।