ଟ୍ରକ ସହ ବସ୍ ଧକ୍କା: ୬ ମୃତ, ୧୫ ଆହତ

ଗୁଜୁରାଟ ଭଦୋଦରାରେ ଭୟଙ୍କର ସଡକ ଦୁର୍ଘଟଣା । ଟ୍ରକ ସହ ବସ୍ ଧକ୍କା ହେବାରୁ ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ଓ ୧୫ ଆହତ । ଅଧିକ ପଢନ୍ତୁ

ଗାନ୍ଧୀନଗର:ଗୁଜୁରାଟ ଭଦୋଦରାରେ ଭୟଙ୍କର ସଡକ ଦୁର୍ଘଟଣା । ବସ୍ ସହ ଟ୍ରକ ଧକ୍କା ହେବାରୁ ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ହୋଇଛି ଏବଂ ପାଖାପାଖି ୧୫ ଜଣ ଆହତ ହୋଇଥିବା ସୂଚନା ମିଳିଛି । ମଙ୍ଗଳବାର ଭଦୋଦରାର ଅହମ୍ମଦାବାଦ-ମୁମ୍ବାଇ ଜାତୀୟ ରାଜପଥ ନିକଟରେ ଏହି ଦୁର୍ଘଟଣା ଘଟିଛି । ଆହତମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଛନ୍ତି । ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ, ଉଦ୍ଧାରକାରୀ ଟିମ୍ ବସ୍ କାଟି ସେଥିରୁ ଯାତ୍ରୀଙ୍କୁ ବାହାର କରିଥିବା ସୂଚନା ମିଳିଛି ।

ସୂଚନା ଅନୁସାରେ, ବସ୍‌ଟି ରାଜସ୍ଥାନରୁ ମୁମ୍ବାଇ ଅଭିମୁଖେ ଯାଉଥିଲା । ବାଟରେ ଆଗରେ ଯାଉଥିବା ଏକ ଟ୍ରକକୁ ଅତିକ୍ରମ କରିବାକୁ ଯାଇ ବସ୍ ଡ୍ରାଇଭର ନିୟନ୍ତ୍ରଣ ହରାଇ ବସିଥିଲେ । ଏହାପରେ ବସ୍ ସିଧା ଟ୍ରକ ସହ ଧକ୍କା ହୋଇଥିଲା ।