Explosion In karachi: ପାକିସ୍ତାନ କରାଚିରେ ବିସ୍ଫୋରଣ, 10 ମୃତ, ଶତାଧିକ ଆହତ

ପାକିସ୍ତାନର କରାଚିରେ ବିସ୍ଫୋରଣ । ୧୦ ରୁ ଅଧିକ ମୃତ ଓ ଶତାଧିକ ଆହତ ନେଇ ସ୍ଥାନୀୟ ଗଣମାଧ୍ୟମରେ ସୂଚନା । ଜାରି ରହିଛି ଉଦ୍ଧାର କାର୍ଯ୍ୟ । ଅଧିକ ପଢନ୍ତୁ

ଇସଲାମାବାଦ: ପାକିସ୍ତାନର ଅନ୍ୟତମ ଗୁରୁତ୍ବପୂର୍ଣ୍ଣ ସହର କରାଚିରେ ଭୟଙ୍କର ବିସ୍ଫୋରଣ ହୋଇଥିବା ସୂଚନା ମିଳିଛି । ଏଥିରେ ଅତିକମରେ ୧୦ ଜଣଙ୍କ ମୃତ୍ୟୁ ଘଟିଥିବାବେଳେ ଶତାଧିକ ଆହତ ହୋଇଥିବା ନେଇ ପାକିସ୍ତାନର ଏକ ଗଣମାଧ୍ୟମ ସୂଚନା ଦେଇଛି ।

ତେବେ ବର୍ତ୍ତମାନ ସୁଦ୍ଧା ବିସ୍ଫୋରଣ ସମ୍ପର୍କରେ କିଛି ସ୍ପଷ୍ଟ ସୂଚନା ମିଳିନଥିବା ବେଳେ କରାଚିର ବ୍ୟସ୍ତବହୁଳ ଶରଶାହା ପରଚା ଛକରେ ଥିବା ଏକ ବିଲ୍ଡିଂରେ ଏହି ବିସ୍ଫୋରଣ ଘଟିଛି ।

ଏହା ପରେ ସହରର ହାଇ ଆଲର୍ଟ ଜାରି କରାଯିବା ସହ ଆହତଙ୍କୁ ଉଦ୍ଧାର ଜାରି ରହିଛି । ଅନେକ ଆହତଙ୍କ ଅବସ୍ଥା ଗମ୍ଭୀର ଥିବାବେଳେ ମୃତ୍ୟୁ ସଂଖ୍ୟା ଆହୁରି ବଢିବା ନେଇ ମଧ୍ୟ ଆଶଙ୍କା ସୃଷ୍ଟି ହୋଇଛି । ଏବେ ମଧ୍ଯ ବିସ୍ଫୋରଣର କାରଣ ସମ୍ପର୍କରେ କିଛି ସ୍ପଷ୍ଟ ଜଣାପଡିନାହିଁ ।

ବ୍ୟୁରୋ ରିପୋର୍ଟ, ଇଟିଭି ଭାରତ